Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
verwarth worden, viel außgewartt vnd gescholten, letzlich auff burgschafft vnd des raths grosser Intercession außgelassen worden. (32 v ) Afnnjo 1604 Ein Gottisch Regiments (38 r ) Anno 1605. Weil man gehörtt, daß deß Wotschkay khriegßvolkh Nicht weit von vnß vnd nuer Jenseit der Donaw bei der Schutt sei, hat H(err) Matthias Cramer Bürgermaister auff befelch eines Ehrsamen Raths alle Burger vnd Inwohner diser Stadt auffs Rathauß erfordern in Monat Martio, Ihnen das böse geschrai vom feind angezaigt vnd sie alle vnd Jede der Trew vnd Ayd, dem sie den Ordentlichen Vngrischen Khonig geschworen vnd verpflicht sein, vleissig ermanet zu hallten, wan, das Gott verhueten wolle, ein einbruch vom feindt beschehen soll, Dem sie Nicht zu wider gewesen, Niclosch Palbierer aber vor allen angezaigt, die Vngern sächen wol, daß Ihnen khein hülff beschehe, sondern die sie schäzen sollen, die selben verderbten sie vnd das landt. Es sei Ja besser, der Vngern erachten nach, sich zur Nothwehr vnd defension zu stellen allß an leib vnd leben, hab vndt guet mit sambt den Iren gar verderben. (34 r ) Man habe schon etlich Jahr gesehen daß das außlandische khriegßvolkh vnd die pfaffen Nicht bessers mit den Vngern gehauset haben, allß der Feindt selber etc. (:Darauß man hat spüren khönnen, daß er es gerne gesehen hat, allhie allso zu machen wie die zu Kascha vnd Tirnau gethan, die den Botschkai zuegesprungen vnd den Basta obersten nicht haben wollen einlaßen.:) Darauff nun, nemblich auff obgedachte Vermainung man die so noch nicht geschworen haben, < be > beaidigt hat. NB. Den Tag vor Gotts auffans Tag [08.05.1604] ist des Botschkai khriegßvolkh, vndter Iren obersten Némethi Gergl, Thurkhen, Tattern vnd Vngern bei 6000 Vber die Donaw gesetzt, vnd alle Märkht vnd dörffer von der Donau biß auff Öedenburg verbrenntt, Die Leuth Jung vnd allt Nidergehaut vndt gefankhlich herauff gefurtt, Vnd zum dorff Wolffs mit allen den Iren gerastet vnd sich voll gesoffen, (34 v ), allß dan in die vndtern gspanschafften verrukht: Vndt welche leith alhie in weingarthen vnd dörffern sein gefunden worden, alle Nidergehaut vnd gefangen. Da hat man mit
