Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
gehabt der hieß auch Mertten, hat mehr kurzweil mit dem Affen als mit der Wibel. [Folgt ein gestrichener unleslicher Satz.] Sonderlich <mit> seines Hofrichters Schönnen Weib die hat er herzlich lieb. Wer ist, der Vnns sol Meistern. A(nn)o 1604 Ist der letz[t]e landtag zu Prespurg vor der Veränderung in Vngern in der fasten [22.02-07.04] gehalten worden. Darauff Marx Fauth, H(err) D(octor) Lakner vnd letzlich Herr Melchior S. Bartholom vndt Her Matthias Cramer darzue auf ist khomen: Vndt hat der Khaiser begert von den Ungern 6000 heiduggen vnd 4000 hussarn auff 6 Monat Wider den Türkhen zu hallten oder 100 000 tl.ô zu Spendirn von den porten oder rauchfangen etc. Darauff (27 r ) alle Vngrische Standt gesagt, sie wurden in den Land wegen der religion von allerlei außlandischen Khriegßvolkh vnd bischoffen greulich geplagt, iren praedicanten stelle man stats nach dem leben, wie auch etlich gefenkhnust wären worden etc. Wan nun Ir M(aies)t(ä)t sie wolle bei Irer religion vnd alten herkhomen verbleiben laßen, vnd sie versichern, vndt Erzherzog Matthias alß stadhalter dises landtags fur sie deßwegen werde Intercedirn, auch ire gravamina ir M(aies)t(ä)t zue schikhen vnd darob sein, daß disen gravaminibus allen wurde dermahl eins abgeholffen, so wolten sie noch etwas vbrigs thuen dem armen Vatterlandt zum beßten, Wiewol sie durch solche langwirige Türkhen khrieg vnd landes Verherungen durch das khriegß volkh zimlich erschöpft wären. Nun sein etliche deß landes vnd sonderlich (27") der geistlichen standt da gewesen vnd geschrien, man < vo > soll von disen vnd von der religion gar still schweigen vnd zur bewiligung greiffen. Da nun der ander thail gar nicht wollte, stimmet man herumb den personalem Johannem Lippai, ob man zur bewilligung greiffen oder aber zuvor von der religion vndt gravaminum tractirn sollte: Wie man nun die stimmen oder vota Colligirte, befunde es sich, daß weit weit mehr Euangelische Stande im Landt wären, den Papstische, Vnd daß man zum ersten von erörterung der Religion tractirn vnd deliberirn solte. Das verdruß die Pfaffen häfftig vnd gaben die Andern bei dem Erzherzog sehr an. Der Erzherzog batt zum offtermahl, sie sollten Ihn vnd Irem khonig das zu gefallen vnd gehorsam noch thuen, Das sie zum ersten vnd furnemblich von der Contribution beratschlagen sollen, weil die gefahr vorhanden, Er erzherzog wolle darob sein bei dem khonig, daß sie auch wegen der religion einen gueten (29 r ) beschaid vor außgang des landtags bekhämen. Daruber hat das land nach langen beradtschlagungen 100.000 tl.ô. zu geben verwilligt, daß Ir m(aies)t(ä)t Vngrisch khriegßvolk damit erhallten solle. Wie nun diß beschehen vnd khein ainig beschaid wegen Irer gravaminum derselben abzuhelffen von Prag heraußkhomen wollte, vnd
