Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Ist Rab verloren worden. Ist damals ein so starckhes Wetter mit Donnern vnd Plizen eingefallen sehr schrekhlich vnd nacher gantzer 3 tag vnd nacht geregnet, daß der hiesige bach so groß gewachsen, vnd [vberjgangen ist, gar auf die Spittelbruckhen, Vnd den leutten inn Stadeln das Traidt ertrenkht vnd grosen merklichen schaden gethan. Es ist das wasser gar beim Newstifft Thor durch die gantze gassen auß gelauffen, vnd den Stadtgraben erfüllt. Suech vndten von Vincentio Duca de Mantua. (16 r ) NOTA. Vmb dise Zeit hat khein gueter Engel den Vincentium duca de Mantua (:der damals in Italia wegen seiner graussamen Vnthathen soll verbandisiertt sein worden:), gehn Öedenburg gefüerth, welcher in deß Herrn Hanß Tölltl hauß, das ietzo herrn d(octor) Lakners ist, < ist > war einlosirt worden. In derselben Nacht hat < er duca > Diser Junge fürst den Comissario N. Wekh freyherrn auff < Seiber > Eberstorff vnd Waltersdorff etc. vber 2000 tl., wie man sagt, abgewunen. Darauff ist Herr Bürgermaister Melchior S. Bartholom vnd Stadtrichter Marx Fauth in leibß vnd lebens gefahr gestanden, dan der richter 12 wägen in derselben Nacht hat hergeben müessen mit ross vnd knechten vnd etlich windliechtern, darauff er, fürst mit seinen gesind auff Papa dieselbe Nacht zuegeeilet zu besehen, wie man sy die festung Papa (:darfür der von Schwarzenberg erschossen vnd Herr Melchior von Redern sy hat eingenumen:) werde einnemen, Vnd sein darnach der Stadt Roß vnd die Khnechte aller zerhakht von den wälischen fursten haimgeschikht worden < der > dem Herrn Bürgermaister vnd Stadrichter hat man mit Tolchen, rappirn Vnd Buxen getröet vnd auffs höchste außgemacht, wan sie die begerten wägen, roß vnd Knechte nicht allßbalt wurden darstellen etc. (17*) A(nn)o 1594. Opproßdorfferische (32 v ) A(nn)o 1595. Haben wir <Gra> M(agistrum) Gabrielen Grünperg praedicanten, welchen Herr Obrister von Polhaim mit seinen füeß Volkh alher gebracht hat, auffgenumen vnd die Ursachen dem Erzherzogen Matthiae außführlich angezaigt, Ist vnß aber nuer 3 quatember gelaßen worden durch stäts anhallten zu hoff des bischoffs Kutaschi 8 vnd 1 Kutassy János Erzbischof von Gran, Palatin, Kanzler (1592—1601)
