Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)

Die Chronik

So ist an SfanctJ Anndreas [30.11.1585] Abendt zwischen 7 vnd 8 Vhr ein Fewer gemeltes Jar an der Lang Zeill bei dem Schaller außkommen, dahero die ganze Lange Zeill, Ja das Potschi Thor ausserhalb, so wol das klein Botscby Gassei zum theil abbrunnen, diß war ein erbermbliche vnd schreckhliche Brunst, inn diesem Fewer seint auch etlich Personen, so albereit geschlaffen, vmbkamen. < Dieses Jar wardt viel Weinn vnd auch Gutt der Khauff aufs Tewereste vmb 2 Taller vnd 22 ß. > Dises Jar blieb das liebe Traidt, das es keinen frue Regen hatt, sehr stekhen, das es sich zu einner Thewerung geraden ansehen ließ, wie dann dasselbige sehr aufschlug vnd der Metzen Traidt <noch> Alte maß auf 3 tl. kam. Also schickhte (13

r

) der liebe Gott inn der Wuchen, da die gemelte Prunst 4 wochen nach Ostern geschach, einen Schönnen starckhen Fruchtbarn Regen, der das Feldt ganz wol durchweicht, dahero die Traidtfelder also fruchtbar sich erzeigten, daß es inn 8 Tagen wider auf 1 tl. vnd 10ß. käme, vnd das schwer Traidt wol geriet. Der habern aber der blieb gantz vnd gar aussen, war nit zu bekommen, so wuchß auch kein groß oder futterung, wer Roß vnd Rindtviech, wer was < hatt > von hew fexnet, das war zu achten wie Wilprett vnd < wardt > mußt das liebe Viech < vom > mit Stro vorlieb nehmen, wann dessen nur gnugsamb were zu bekomen gewesen. Ja, der kein Stro hat, must sein Viech verkhauffen, oder ein Khue vmb die ander vmb die fuetterung geben. Diß war der heiße Sommer, dann nit allein die Bech alhie bei vnns gantz austruckhneten, Sondern auch die Leutta bei der Newstadt, vnd anndere wasser sieb vertruckhneten. Inn der Schutt vnd auf der Haidt wardt das Erdrich von lautter Hitz vnd Dürr Brennent, daß mechtigen gestanckh gab, vnd das Erdrich druber sich verbrennent vnd einfüll, so den gantzen Sommer vnd herbst gewehret, darüber die Leutt gleichsamb verzagten. Vnd wuchs diß Jar vberauß herlicher Weinn vnd viel, der Emer aber zu 2 Taller vnd 22 ß. aufs Höchst inn khauf ging. (13

v

) In diesem Jar ist auch Harckhau vmb Österlicher zeit gantz außbrunnen biß auf die Hofstetten, ist durch ein haißen Aschen auf den Boden so geschüttet vnd durch den Windt darnach getriben vnd aufgangen. (13

r-12

v

) Afnnjo <1586> 1585. Wardt dem Teutschen Schuelmeister Melchart Kleinn, so wol dem Vngerischen. Beiden auf <befelch anhalten > der Pfaffen anhalten bey Ihr FurstflichenJ DurchflauchtJ < anhalten > Ertzherzog Ernesto zu Osterreich durch befelch, so einem EfrsamenJ Rath zu kam, die Schulhaltung abgeschafft vnd eingestelt. Von der Zeit hero haben Sie die Pfaffen keinen, so nit Ihres glaubens, <zukommen lassen > aufnehmen noch befudern wollen. Ist demnach die liebe Jugent beides inn Lateinischer vnd Teutscher Schuel zerstöret