Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
H(err) Colonitsch diß 1616. Jahr auff ein Neues gefangen worden, zu Wien verhafft: O Glesl Haman vnd Achitofell 32 , quousque tandem tuus livor et rabies evadet. Die khayserliche Burkh in der Neustadt vom Tonner angezündet vnd darinnen auff 2000 tl.ô. werth verbrenndt, khurz zuvor, da herzog Carl von der Neuß, Herz(og) Ferdinand zu Grätz vnd H(erzog) Maximilian von Insbrukh etc. zu Wien bei einander waren vndt Rath hielten non sine absentia Gleselii. Diß 1616. Jahr ist gar ein Türr Jahr gewesen, khein hei noch graimet gewagsen, vil obst: khostlicher wein. Im winter hat die khelten vil Weingarten bei dem See verderbt, der reiff noch mehr fast in allen Weingarten auch in den Grefftnern vnd steinern, daß bei Menschen gedenkhen nicht geschehen, schaden gethan. Im Sommer vor Arndte Zeit khein Wasser in Colmbrunn, darnach, wie man zum andernmal gehaut, vil wasser khomen. Der See vmb ein Hohe mannßlenge gfallen, gar khlein worden. (89 r ) <gar> Der maiste thail der Menschen an der ruer vnd zwang erkhrankht, auch vil khinder gestorben. Moscouiter Will Polen mit khrieg vberziehen. Denen Venedigern ziehen 10000 Schweizer vnd andere wider den grazerischen fursten zue. Hette man den Ror bei dem See bei Zeitten vmb ostern vmb vnd vmb abgebranntt, hette man eltich Tausent fueder hei vnd graimet haben khonnen in diser graussamen Türre. Herr Nadasti Paul vber 1000 fueder auff den Wasen Jenseit des See Mäen vnd verkhauffen lassen. Pater Pasman Jesuita Auß Vngern außgeschafft, das er den Homonai vnd andere wider den Bethlehem Gabor fursten in Sibenburgen ine zu bekhrigen, angehetzt hat. Der Hommomai, Esterhazi vnd andere sein proscribirt wegen ehgedachtes khriegs. Walinth Meschier gestorben. Werden sich seine freundt vnd Esterházy vnd ein rath alhie vndtereinander seltzam zu disputirn wegen seines guets vnd hauses (89 v ) Joh(annes) Lippai Personalis gestorben. Succumbet D(octor) Ribstain <Jure> litigans coram Judicibus Contra nostrum senatum, quoad bona Geringiana. 32 Beispiele der untreuen, schlechten Ratgeber in der Bibel. Haman: Esther 3:1.10; 7:7—10. Akhitofel: 2Sam 17:1-23.
