Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

form vnnd massen wie hernnach wegriffen ist, Sölhs sy dann zu beder seyt bei im treün vnd ernn bei den peenn, So Jn darümb aufgeseczt ist Stët zu haltenn Gelobt vnnd versprochen habm, Item am erssten habm sy mein herrnn zu Güten frewnden gesprochen, Also das nw hinfür aller vnwillen vnd veintschafft czwischen Jn, So <sy> biz her zu einander gehabt habm ganncz vnd gar ab vnnd tod sein sol vnnd ainr dem andern als den freunden zu gebürd dienn, mer Sprechen [Im] mein herrnn das Geschëfft so weilend Caspar <schotel>, seliger gethan habm allenthalbm zu crefften, vnnd dar zu habm [Inn] mein herrnn dem mert khoch vnd seiner hausfraün gesprochen zu dem ain achtail Weingarten Im Sawprünn, das im vormalln caspar Schottel geschafft hat das andre achtail Weingarten daselbs vnd daneben Gelegen vnd den Weingarten im poczmansperig, sol im michel Schottel frey vnnd Ledig zusambt den fruchten verfolgen lassen. Dann von wegen aller vnd yglicher geltschult So ainr zu dem andern <biz her> zuhabm vermaint sprechen mein herrnn Solhe schuld alle vnd ygliche gen einander ab vnd tod vnd gar Zu Nichte, vnd sullen Allso die gemelten michel Schottel, mert khoch sein schwager vmb all vnd yglich vorangeczogen Zuspruch vnd anvordrüng so biz her auf heutigen tag zu einander gehabt habm oder gehabm hieten mögen gancz vnnd gar veraint verricht vnd vertragen sein, welher tail aber auf sölher veraynigung träte der volligklich nicht nachkam <in> vil oder wenig mit warten oder mit werhen das wissentlich gemacht wurde, Der Sol als dann zu Gemeiner Stat hundert gulden vngrisch all gerecht In Gold vnd wag vnNachLëslich zu peen zu geben verfallen sein Vnd sol dannoch für vnd fur bei sölhm meiner herrnn Spruch vnd veraynigung Beleiben vnd nach gangen werden an all ausflücht vnd verrer Eintrag geistlicher vnd weltlicher rechten treulich vnnd vngeuerlich Actum vtsupra [29] 51. 1495 Juli 22 Der Stadtrat beschließt eine Vereinbarung zwischen dem Ratsbürger Georg Baumgartner und Rötel aus Höflein / A tanács Baumgartner György belső tanácsos és a hőflányi Rötel között egyezséget hoz létre Anno domini millesimo quadringentesimo Nonagesimoquinto an mitichen [Nagst] Sannd maria magdalena tag (1495.07.22.) habm mein herrnn herenn Gorigen paüngartner dieczeit des Rats an aim, vnnd Rötlein von Höfflein am andern tail mit irem wissen vnnd willenn auf beder <tail> vleissigs Gebet, in massen vnd form wie hernnach wemeldet wird, veraint verricht vnnd vertragen, sölhs sy dann zu Beder seit bei iren treun vnnd Ernn, bei den peenn, So In darumb aufgeseczt seinen Stet zuhalten vnnd dem genczlichen Nach zugen gelobt vnnd versprochen habm, Item am Erssten habm sy mein herrnn bed tail czu guten frewnnden gesprochen, Allso das Nwn hin für aller vnwillen vnd veintschafft czwischen In, So sy bizher zu einander gehabt habm oder gehabm hieten mögen, ganncz vnd gar hin wegkch vnd abgethan sein, vnnd sol nw hin für ainr dem andern als den freunden zu gebürd dyenn vnnd guten willen erczeigen vnnd Bebeisen, mer sprechen mein herrnn das Görig von Paungarten, dem Rötlein, Jn czwain Iarn nagst nacheinander khünftig LXXII tal. den. zu yglicher Quottember X tal. den. ausrichten vnnd weczallen sol, So lanng, das <er> die LXXV tal. den. dem Rötlein völligklichen ganncz vnd gar entRicht vnd weczallt hat Vnnd sollen also di gemelten Görig von Paungarten vnd der Rötel vmb all vnnd yglich Spruch