Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
vnd andern grundten Fechsnen Vnd den kindern Jres tails fur die frücht XVI tal. den. geben Zu gleicher erbschafft vnd tailung, vnd nach dem Lesen sollen die weingarten vnd alle andre erbstugk den kindern Ledig Haimbfallen. Vnd sollen also der Varundenhab vnd aller Sachen halben miteinander veraint vnd vergLeicht sein, Vnd kein Spruch Zu einander mer haben. Vnd der versessen Zinß, so georg eisner von den erbstugkhen aufgehebt, sollen Jm an den Zinsen durch seinen gerhaben, peter vischer, der 15 tal. den. abgezogen werden 374.3. 1531 Februar 14 Peter vischer Raittung seiner gerhabschaffthalben dem georg eisner, seinem steufFSun geton An heut, den erichtag nach Appolonia Anno etc.im XXXI-ten (1531.02.14.) ist die Raittung Zwischen her peter Vischer, burgerzu der Neüstat, vnd georgen eisner, seinem SteufFSun auf Zuegeben aines ersamen Ratz durch die ersamen, weisen Hanns pecken, georgen kursner, Hannsen reussen, mathes gartner vnd mathes tröppel, Zu paiden tailen darzue erpeten. genuegsam Verhört vnd gerechnet, in der gestalt, Das obgemelter georg eisner Von mathes gartner emphangen im hauß in sand georgen gassen 28 tal. den. item mathes gartner beleibt dem georg eisner am Hauß noch schuldig 38 tal. den. item peter vischer ist seinem steufFSun am hauß noch per rest schuldig 59 tal. den., die hat er sambt dem pecher vnd .2. Löffeln auf das rathauß geantwurt, solh 59 tal. den., der silber pecher vnd Zwen Löffl hat er mert sighart, der Zeit Burgermaister, Zu seinen handten emphangen vnd die dem georg eisner gegen quittung Zu seinen handten Zuestellen 374.4. 1531 Februar 14 Summa aller schuld, so bemeltem eisner per rest vberbleiben, macht 97 tal. den. Zu pesser ainigkait vnd geLipfen, Zu Volmachtiger abfertigung Hat sich berürter her peter Vischer bewilligt, die Zerung, so georg eisner VII wochen Lang Hie Zu ödenburg getan, Zubezallen. Vnd sollen furan aller Spruch Vnd anfordrung gegeneinander Von obgemelter gueter, raittung vnd gerhabschafft wegen Vertragen, Veraint vnd Vergleicht sein, actum anno et die Vt Supra Genanter peter vischer ist auch guet willen alles, so neulich Vor ainem ersamen rat in Varunden verschriben, seinem steufFSun Zu geben vnd ist also, Wie oben stet, erlegt worden item Die obangezaigten Zwo schrifften georgen eisner vnd peter vischer, seines Steüffvater, findet man in andern brieflichen Vrkunden in acten gemainer stat [280] 375. 1530 April 4 Der Stadtrat entscheidet über den Nachlaß des Anton, Bruders von Georg Lang / A városi tanács dönt Antalnak, Lang György testvérének a hagyatékáról 1 5 3 0. Antoni Ledigen khnechts gueter An Heut, den montag nach Judica Anno etc. im 30ten (1530.04.04.) Brachten mert pöss von Leutzmansburg, in günser Herschafft gesessen, Vnd Anna sein Hauswirtin, So Vormals georgen Lanng eelich auch gehabt, vnd bei Jme ain kind mit nomen Anderl in eelichem stanndt gehabt, ain beslossen khuntschafftbrief vnd Weisung Von michaeln puelndorffer, Die Zeit phleger Zu guns, ausgangen, in offenn Rate, dieselb warde eröffner vnd verlesen,
