Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
322. 1522 Januar 2 Schlichtung eines Erbstreits zwischen Michael Pullendotfer und seinem Stiefsohn Christoph Jäger / Megegyezés egy örökösödési ügyben Pullendorfer Mihály és mostohafia, Jäger Kristóf között Michaeln Puelndorffers vnd seines stewffSun Christoffen Jägers vertrag Wir, die Hernachbenannten herr Christoff peckh, der Zeit pharrer Zu sand michels pharrkhirchen Zu Ödenburg, Christoff grätzer, Michel Yban, peter fleischagkher, Paul khramer, peter Schneider, wolffganng Haller, Veit täbrer, matthes ledrer, georg schmid, al Burger Zu Ödenburg, von den [236] hernachbenannten partheyen Zu der guetigkait erbetnen taidings vnd enntschidmänner, Bekhennen mit disem brief, das wir von der Jrrumg vnd Spenne wegen aller vnd yeder, die sich Zwischen dem Ersamen, weisen Michaeln Puelndorffer Ratsburger Zu Odennbürg an ainem, Vnd Christoffen Jäger, seinem steuffSun, weylennd Hannsen Jägers selgen eelicher gelassen Sune annders taillen, mit allen Jrn anhenngen vnd Vmbstënnden, gar khainen ausgenomen, noch hindan gesetzt, guetlich geaint, betaidingt, vertragen vnd Zwischen Jnen ainhelligclich ausgesprochen vnd entschiden haben, wie hernachuolgt. Zumb ersten, das der gemellt Michel Puelndorffer gedachtem Christoffen, seinem steuffsun, für sein Väterlich vnd müeterlich Erbtayl Zwen weingarten, ainer genannt der Mägerler, vnd der annder der Kircher, frey vnd ledig geben vnd folgen lassen solle, mit disem vorbehallt. wo der genannt Christoff die bestimbten weingarten, ain oder mer, vber khurtz oder kanng, widerumben verkhauffen oder verkhömmen wollt, das Er Michaeln puelndorffer, seinem Steuffvater, die Erst anfailung thun solle, möchten sy aber des khaufs vmb die berürten weingarten miteinannder nit vberainß werden, so sol vnd mag alsdann der gemellt Christoff Jäger mit derselben seinen weingarten handien, mit verkhauffen, versetzen schaffen, machen, geben thun vnd lassen, wie Jme amb pessten füegen wil, on menigclichs Jrrung, Hindernüß vnd widersprechen. Zum anndern Sprechen vnd entschaiden wir , das gemellter Michael puelndorffer Christoffen Jäger, seinem Steufsun, sambt den obbestimbten Zwaien weingarten Vierzigkh phunt phennig Bargellt Zu Vier tagen gegen Quittung geben vnd ausrichten solle, Nemblichen von dem nächsten uerschinen Newen Jarstag vber vierzehen tag (1522.01.15.) die ersten X tal. Vnd Zum Jarmargkht in der Vassten (1522.03.11.) aber X tal., item Zu den Heiligen phingsten (1522.06.08.) X tal., desgleichen Zu schirist khönfftigen sand Merten tag (1522.11.11.) die lessten X tal. den. Auf solchen Vnnsern güetlichen vertrag, Spruch vnd entschaid haben Vnns Baidtayll für sich, Jr Zuegewondten Erben vnd Nachkhommen Vnd sunst menigclich von Jrn wegen [237] bey Jrn Hanndgegebenen trewen, an Aydesstat versprechen, Zuegesagt vnd angelobt, dem allem vnd Jedem, so in disem Spruch begriffen ist, on verrer einrede, auszuge vnd widersprechen Zugeleben vnd entlichen volg Zuthun, sonnder al arglist vnd geuärde, also steet es von wort Zu wort in dem statbuch Zu Ödenburg geschriben vnd ist geschehen Zu Zeiten der Ersamen, weisen Christoffen grätzers Burgermaister Vnd Bartlme Ofners statrichter Zu Ödenburg, an phintztag nächst nach dem Newen Jarstag Jm XXII-sten Jar (1522.01.02.)
