Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

vermainter vertrag, Darzwyschen sich Ir payderthalb verloffen, So wirdt doch Erfunden, Das sölh einlassenn vnd myßhellung, So Sy Zwyschen ainannder gehapt, Den Ersten anfanngkh Zw Aller Nachgefolgtn Jrthumb vnd beschedigung geursacht hatt. Darum soll der bestymbt Hyrßler Oßbaldten ganngell Zw Ainer pessrung seins empfanngens, Schadens, Auch Zu Nehstkunfftiger Ersten Vastwochen erlegen vnd beczalen, on lennger verziehen, Zwaiinczygkh pfundt pfennig Vnnd die Sach Allso gericht vnd geaint sein Vnd ain Ebige Richtung vnd ainigung Also pleyben vnd besteen. Welher tayl Aber die nicht hielte, Sonnder mitt Wordten oder Wergkhen, Lutzell oder vil darwyder Vbertrettlich erfunden, Der soll seiner herrschafft vnd Obrykayt Vnableßlich Zu peen vnd Straff verfallen sein hundert pfundt pfennig vnd demnechst nichts weniger diser vertrag vnd ainigung pey Iren Crefften besteen. Actum pfincztag Nach Erhardi Anno domini etc. funffzehennhundert Vnd Im funffzehennden (1515-01.11.). Tempore valentini Swingenhaimer Magistriciuium et Oßbaldi pleßbetter Judicis [161] 256. 1515 März 14 Gelübde des Weinvisierers Meister Urban Tuchscherer / Tuchscherer Orbán mester bormértékhitelesítői fogadalma maister vrban Visierers gelübt, item Zemergkhen, Das Ain Ersamer Ratt an hewt datum Der häm halben Ain solhe Ordnung gemacht Vnnd maister Vrban tuechscherer dartzu Verordnet, Der darauff ainem Ersamen Ratt gelopt vnd gesworen, ainem Yeden, der sein begert, getrewlich, gehorsam Vnnd gewertig Zesein, Vnnd ainem alß dem annderen getrewlich Zu hämenn. dem frembden gleich Als dem anhaimischen. Vnnd wann er ain fass hämet, soll er vom Emer weinhäm Zu Ion ain häller nemenn. Weihs hämlen halbs der verkawffer vnd das annder halb tayl der kawffer beczalen soll. Vnd wann er ainem, der ain faß wein Verkawfft oder kawfft, hämpr, Soll er Auff yeden Emer für das leger Albeg Zwo pindt abcziehen. [item Wann er hönig mit dem hämstab hämpt vnd Abmöstelt, Sol Er von der thunn ain creutzer Ze Ion haben. Wann Ers aber slechtlich] item Wann Er aber hönig mit dem Eysin abreyttelt, soll Er von der thunnenn ain Creutzer Zu Ion haben. So ers Aber slechtlich mit dem Eysen hämpt, Soll Er von der thonnenn Ain pfennig Zu Ion nemenn. Actum mittichen Nach dem Sonntag Oculi Anno domini etc. 1515 (03-14.). Tempore Valentini Swingenhaimer Magistriciuium et [Oßbaldi] Michahelis murren Judicis [162]. 257. 1515 Juli 30 Uber die Instandhaltung der zwei Brücken beim Potschytor / A Pócsi kapunál levő két híd karbantartása Zwo Prugken potschathor, Jtem Zemergkhen, Nach dem sich ain gmain beswerdt, Das die Zwo prugkhen durch heren Cristan Vleischhagker Vnnder vnd ober halb des Saffian gartten <vorm potschar thor> Von wegen desselben gartten vnd des Agkers, so Ime dartzu gelassen worden, nicht Jn paw gehalten Vnd Aber derselb her Cristan Vleischhagker Vermaint, Zu swer Zusein,