Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
246. 1513 August 17 Babusch, Pflegetochter des Ratsbütgets Valentin Schwingenhamer verwirkt auf Grund ihres unziemlichen Verhaltens Teil ihres Erbes, erhält jedoch die Fahrhabe zuerkannt / Babusch, Schwingenhamer Bálint tanácsos gyámleánya illetlen viselkedésével méltatlanná vált öröksége egy részére, de megkapott ingóságait megtarthatja Zewissen, Als sich das Diernlein Babusch, so Jnnhalt frawen veronica possenpergerin geschëfft heren Valtin Swingenhaymer mitsampt der muetter vnd verlassen guettlin Zuuerwalten Vnd Zuuersehen Beuolhen vnd Zugeaignet worden, Sich Vsserhalb wissen vnd willen desselben herren Valtins Vnd anderer Ersamer lewt nicht wie frumen Jungkfrawen Zugepurt, verheyradt, Sich Auch sonnst mitt vnczimlichem Zugreyffen Abtragen, Wegklauffen vnd annderer hanndlung, Wie derselb herr Valtin anczaygt Vnnd Zum tayl offennpar an Jr erscheinen lassenn, Vbell vnd strafflich, pey sölhem herr Valtin beweist vnd gehallten, Durch Weihs alles Sy sich des obbestimpten frawen Veronica gescheffts Vnempfenglich gemacht Vnd Jren tayl Jnnhalt desselben verwirgkt hatt. Darob Ain Ersamer Ratt mittsampt heren Valtin Ain groß mißfallen empfanngen Vnnd heren Valtin pey solhem geschëfft, Wies vormals, bekrefftigt Vnd Sy schuldig Hanndtzuhaben Zugesagt. Aber nichts weniger hatt Ain Ersamer Ratt fürpett guetter lewt Angesehen Vnnd pey herr Valtin souil vermögt, Das Er Awß gnaden Vnd nicht Awß schulden das varundt guttlin, So Jr awßtrugklich Vnd benentlich Jm geschëfft vermaint worden, Nemlich Ain besch(l)agen Silbrin plechgurtel Vnd mer Ain Silbrin gurtel Vnd Zwen gulden Ring Vnd Darüber, so nicht Jm geschëfft begriffen, Acht pfundt pfennig, mitsampt Nachfolgender Ersamen Abfertigung, Nemlich Ain Weyssen Schamlodtne Rogkh mit Acht par Silbrin, Vergoldten gespörren. Ain Rotschy kamatany Schauben mit fichrugkhen Vnderfuettert. Ain Achtfachen, pamwollin slayr mit Ainer gulden leistin. Ain prustpfayten mit ainem gulden vnd Seyden Leimbel. Zway Leymin halßgoller. Ain Zendlins, Alts halßgoller mit schwanen vnderfuetert. Ain prustpfayten mitt Ainem Schwarcz vnd gulden Leimbel. Ain frawen hawben mit ainem seydin Vor Leimbel vnd leysten. Zway fürmecher, Ain Wällisch vnd Ain harbnis. Ain gutt federpett mit Kollisch Vberczogen. Ain hawptpölster. Zway Kuss. Ain guts par leinlach Vnnd Ain Rätschisch goiter, Jr Zusteen lassen Awßgericht vnd damit begnügt hatt. Actum Mittichen nach Lawrenti Anno domini etc. 15 13 (08.17.). Des Zugedechtnus ist sölhs nach beuelh der heren hie Auffgezaichnet Vnd Vermergkr Worden. Tempore Michahelis Yban Magistriciuium et Oßbaldi pleßbetter Judicis [148] 247. 1514 Februar 1 Hans Pranger und Katharina, seine Tochter, Witwe des Jakob Schlossers, ersuchen den Stadtrat, ihnen bei der Bezahlung der namhaften Schulden am Haus des Jakob Schlossers behilflich zu sein / Pranger János és leánya Katalin, Schlosser Jakab özvegye, arra kérik a tanácsot, hogy a Schlosser Jakab házát terhelő tetemes adósságok kifizetésében legyen a segítségükte Zewissen, Als Jacob Slosser Cristen, geistlichen Vnd Weltlichen, Auch Juden, Auff seinem hawß Ain Namhafft geltschuld Schuldig pleyben, Jst AufF hewt Datum hanns prannger mittsampt Katherina, desselben Slossers gelassen Wittiben, seiner tochter, fur Ain Ersamen
