Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

lucas Jn Recht erschinen, sein Clag Volfurt gögenn hansen Wagner Vorigen hawsfrawenn Verlassen guet. Jn dem hatt sich hanns Wagner Annrwurdts weyß Zogen AufF Ain Vertrag Vnd ainigung, so vormals Durch die heren AufF seiner hawsfrawen vnd her Lucassen Zugeben gemacht wordten, Nachmalen Auff solher der frawen testament, die Jm solh gutt frey vnd ledig geschafFt, des Sy Zu thun gutt Recht vnd gwalt gehapt hiet. Darawff her Lucas endtlich Ain bedacht genomen, ob er on die Vrtel von sölher vordrung steenn oder mit recht darum entschaiden sein, woll pitz Auff hewt, montag nach trinitatis (06.07.). Jst her Lucas Aber mit seinem procurator erschinen Vnd melden lassen, Nach dem er, der procurator, pey vnns des beschehen Vertrags halb des her Lucaß des Lettsten Artigkels halb nitt gestendig gewesen, Ain maynung verstanden, die Jm vormalen nit anczaigt worden, Wöll Jm nitt gepuren, Jn sölhem Ain Ersamer Zu wydertreyben, Sey Auch des willens nitt, So wol er seinem tayl Jn dem Wöder recht noch vnrecht geben, noch gewinnen, noch Verlieren, Sonnder sich AufF Ditzmal der sach entslahen Vnd Jn vorigen standt gestölt haben, mitt beger, sölh konigklich commission Jm, her lucaß wyderum Zu seinen handen Zuannttwurdten, Des wJr geschehen lassen vnd vns darauff Vor Notarn Vnd Zewgen protestirt, An vns nit erwunden, das solh konigklich Commission nach Allem Jrem Jnnhalt mit guttwilliger gestettung vnd verhelffung des Rechtens ain genuegen beschehen Seyhe. Actum Die et Anno Vtsupra. Tempore Michahelis yban Magistriciuium et Oßbaldi pleßbetter Judicis [140] 236. 1512 Juni 16 Die Witwe des Christian Leutel und Gilg Leutel, ihr Sohn, erklären, dass sie den Beschluss des Stadtrates über die Verteilung der Nachlassenschaft des Christian Leutel annehmen. Auch wird die Schwester des Christian Leutel zufriedengestellt / Leutel Keresztély özvegye és fia, Leutel Egyed, kijelentik, hogy elfogadják a tanács határozatát Leutel Keresztély vagyonának elosztásától, és kielégítik Leutel Keresztély nővétének a követelését item Zw Mergkhen, Das des Cristan Lwetlins gelassen Wittib mit sampr dem Gilg Lewtlin Vnd Annderen guetten Lewtten Alhewt Vor den heren Jn Rat erschinen Vnd eingesagt, Wie Sy sich Auff den entschaidt meiner heren mit gedachtem Gilg Lwetlin Vmb das ansuechen seins Vätterlichen Eribtails pey gemelten Jrs hawßwirdts säligenn gelassen guets betragen, Veraint vnd vergleichr haben, Das gedachter Gilg Lwetlin Allso bekanntlich gewesen, Von Jr Vergnügt Zu sein. Darauff ist Sölhs Also Auff paydertayl begeren Zugedechtnus hie vermergkt worden, damit kain tayl weytter Zum Anndern Deßhalb suechung Vnd vordrung fürnemen möcht. Actum Mittichen Nach gottLeichnamstag Anno domini etc. 15 12 (06.16.). Tempore Michahelis Yban Magistriciuium et Oßbaldi pleßbetter Judicis item Eodem Die hatt Die Vorbestimpt Cristan Lwetlin die funff, .V. tal. den., So Auff ansuechen der huetterin, Jrs hawswirts saugen Swöster, von Jrs vätterlichen Eribtayls wegen vnd sein, des Cristan Lwetlins beschehenen bewilligenn von Wegen sein Weingarten Auff der Erdpurg, den Jr daran volgen Zulassen, Durch mein heren Jr Zugeben gesprochen worden Vnd hatt damit Sy solher anfordrung nach erkanntnus meiner heren Vergnügt Vnd Jr guet gögen Jr Hinfüro gefreyt. Actum die et Anno Vtsupra [141]