Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

vnd die Karnermichlin Die Swöster, mit wissen Vnd willen der heren Zu Jm genomen Vnd Zuhalten begert, Des sich die Kinder Zu payden tayl Auch bewilligt, Doch Das Swartz Steffan Jn den Weingart Jn grefften pewlich halt vnd Jarlich den heren Raytung Daruon thue, was darauß wechst item Weyter hatt Swarcz steffan ettlich guetter, den Kindern Zugehörig, angesagt, Nemlich Ain Joch Agker peym hehell prunn, item Ain Vierdentayl Ains Eden Weingarten Jm poczmansperg, item Ain Vierdentayl An Ainer Eden mül, so Abprochen ist. Jtem Jn Ainer Wysen hinderen Rueßpühel Ain Vierden tayl. Jtem me Ain Wysen Jm poczmansperg, den Kinden gar Zugehörig. Actum mittichen Nach Anndree, tempore Jacobi Subenpurger Magistriciuium et Oßbaldi pleßbetter Judicis Anno etc. 15 1 l-o {1511.12.03.) item Die Vorbestimpten Zway geswystrit sein Am freytag Nach bekhörung pauli {1512.01.30.) mit dem huetter hansen Vor Ratt erschinen vnd haben sich beclagt, wie Sy pey den Jren geswystritten nitt pleyben mögen. Darauff haben meine heren Vergemitt, den Knaben peym huetter hannsen Zupleyben Vnd Das Dirnlin gen Wien Zu Ainer seiner muemen, Dahin es begert, Zw lassen, Vnd soll huetter hanns Jnn Weingartlin Auch Jn guettem paw helffen halten, Vnd Was Jarlich Darauß kumpt, mein heren Raytung thun [137] 231. 1512 März 11 Der Fleischhacker Ladislaus Senuffli kauft den Hausanteil des Funck in der St. Georgengasse / Senuffli László mészáros megveszi Funck házrészét a Szt. György utcában item Zemergkhen, Das Laßla senuffli Vleyschhagkher An hewt datum Des fungkhen hawß, [Jn Sannt] neben Michelschöttlins hawß gelegen, in Sanntt Jörgen gassen alhie, Wölhs mit Agkher, Wysen, einfart vnd hoff mit der feustlin hawß Ain halb hawß Jst. Annders dann, das die feustlin Auff yczbestimpten halben tayl hawß Ain gewölb vnd Ain kamer Vmb Achczehen pfundt pfennig Zu Jrm tayl hinczu gelöst vnd kaufft hatt, hatt Sy sich bewilligt vnd Zugeben, Zu Wölher Zeit von bestimpten Lasla Vleischhagker oder ainem Annderen der vorbestimpten halben tayl hawß, so Des fungkhen gewesen, besiezen wirdt, Jr sölh XVIII pfundt pfennig erlegt werden, Sollen Jm sölh gemëch, kamer vnd gwelb wyderum darezu Abgetretten werden. Vnd ist sölh kawff beschehen vmb acht vnd dreyssig pfundr pfennig, Auff Vier Sanntt Jörgen tëg {04.24.) nechst nach einannder volgent Zu beczalen, Albeg Auff yeden X tal. den., vnd Zum lettsten die Acht pfundt pfennig, on lennger verezug, waygrung noch Awßflucht, Auch on des fungkhen oder seiner Erben Verrer mue, Cost vnd schaden. Actum pfintztag nach dem Sontag Reminiscere Anno etc. 15 12 {03.11.). Tempore Jacobi Subenpurger Magistriciuium er Oßbaldi pleßbetter Judicis 232. 1512 März 19 Der Stadtrat schlichtet den Streit, zwischen Hans Hutter und dem Wolfgang Schmied / A tanács ekendezi a vitát Hutter János és Schmied Farkas között item Huetter hanns Vnd Wolffganng Schmid Seind Auff hewtt Jrs vnwyllens vnd Zwytrecht, so Sy ettlich Zeyt gögen Ain Ander gehapt, nemlich so Sich peym gugler Am