Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
peter sneider Vnd Anndre pegken, paid purger alhie, Sölhs Zu gedechtnüs ist es also hierin Auffgemergkt AufF beger der partheyen. Actum Montag nach dem Sonntag Reminiscere Jn der Vasten Anno etc. Jm newndten (1509.03.05.), tempore Valentini Swingenhaimer magistriciuium et Oßwaldi pleßbetter Judicis [116] 195. 1509 März 12 Jobst Schneider kauft vom Wagner Wolfgang Hengst dessen Haus / Schneider Jobst megveszi Hengst Farkas bognár házát item Zumergkhen, Das maister Jobst sneider Von Wolffganngen Henngsten, dem Wagner, Das hawß gögen heren Chronperger Vber, an der mörn gelegen, kawfft hatt vmb sechczigk pfundt pfennig Vnd soll das selb gelt Sannt Jörgen Kirchen, wie hernach folgt, beczalen. Jtem Jn dr(e)ien viertzehen tagen (1509.04.24.) erlegen X tal. den. Vnd Jn Jarßfrist, nemlich Von nehstckünfftigen Sannt Jorgen tag Vber ain Jar (1510.04.24.) mer X tal. den. Jtem Darnach, Die Zwen nehstkomenden Sannt Jorgen tage Zu yedem (1511.04.24.; 1512.02.24.) Zwainczigk pfundt pfennig. Beschehen an Sannt Grégorien tag Anno Domini funfftzehennhundert Vnd Im neundten (1509.03-12.). Tempore Valentini Swingenhaimer Magistriciuium et Oßwaldi pleßbetter Judicis 196. 1509 März 30 Der Stadtrat schlichtet den Streit zwischen dem Bürgermeister Valentin Schwingenhamer und dem Ratsbürger Jakob Siebenbürger über den Zaun zwischen ihren Gärten / A tanács rendezi Schwingenhamer Bálint polgármester és Siebenbürger Jakab tanácsos között, a kertjeik közös kerítése miatti vitát item Zewissen, As sich widerwill vnd misßhellung ain Zeit her gehallten haben Zwyschen Den fursichtigen, Ersamen, Weysen herr Valtin swingenhaimer, die Zeit purgermaister, Ains, Vnd hern Jacoben Sübenpurger Ratsgesworn alhie, Anders tails, Von Wegen des Lanngen Zauns oder hanndlung Zwyschen paider Jrer gartten, hinder Jrer mayrhofen Vnnd einseczen Jn der Vischer Straß, Vnd sich yeder tail gögen Anndern beswardt vnd Schadens beclagt, durch sölhen Zawn Jm beschehe, Vnd kainer vermain wollen allain sölhen Zaun Schuldig Zu machen. Darauff durch die heren des Rats ain beschaw gefolgt Vnd nach malen der entschid Von paiden tailen Wilkürlich Zu den heren des Rats gestölt, was [was] Sy Daijnn erkennen, Das Darpey pleib. Haben die heren Am Erstenn paid tail sölher Jrthumb Zu guetten freundten gesprochen Vnd das kainer dem Annderen Was empfangen Schadens verpüessen Soll. Weitter soll herr Valentin hern Jacoben von seiner einsecz gar herfür, As weit sein Mayr hoff werdt, Verfriden, Vnd von Seiner einsecz hinderwerdts den halben Zaun Zu machen Vnd Jm gartten Auch ferfriden. Vnd den Vorigen halben Zaun hinauffwerdts soll her Jacob Zumachen Vnd befriden Schuldig sein. Vnd also Zu ewigen Zeitten gehallten Werden Vnd yeder den anndern Vor Schaden Verhuetten Vnd solher Vnwill Zwyschen Jnn gantz tod vnd Ab sein Vnd niemer mer geäfert Werden pey Ainer peen fünfftzig gulden, Wölher tail sölhen Spruch vberfuer Vnd dar wider tätte, gemainer stat Vnableßlich Zubeczalen. Actum freitag nach dem Sonntag Judica Anno etc. 1 5 0 9 (03.30.), tempore Valentini Swingenhaimer magistriciuium et Oßbaldi pleßbetter Judicis [117]
