Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
gekawfft Vnd abgelösst haben Vnd fürbas von Gemeiner Stat dem selben herr wolfgangen oder seinen nachkhömen oder Regierer derselben Sand Wildpolds Kirichenn albeg Zu Sannd Gorgen tag (04.24.) diennen I tal. den., Solanng die herrenn das haubtgut Von den Zynnslewten einbringen Vnd verrer vmb dinst ausleichenn. Actum am Freitag Vor PangratyAnno .1.5.0.4. (05.10.) [item Am Freitag nagst nach Gotzleich(nambstag)] (1504.06.07.) 161. 1504 Juni 19 Verkauf eines Hauses an Hans Fleischhacker / Fleischhacker János házvételi ügye Schueler Jacob hat Eingenomen Vom Hanns Fleischagker Vmb das hawss, So der Gëtlein, des Michel Zynngiessers Tochter, hat Zuegehört, XXXII 1/2 tal. den. Vnd das haws Jst dem Hanns Fleischagker durch die herrenn des Rats verkhawfft vmb L tal. den., dauon hat Hanns Fleischagker der Alken Schönpawrin bezallt VII 1/2 tal. den., Vnd dint ainem Briester von X tal. den. Aber die obbeschribenn XXXII 1/2 tal. den. Jst der Schueler Jacob dem Gätlein mit anderem Güet, So er Von Jeren wegen Jnnehat, schuldig bezallen Vnd den herrenn Rayttümb dauon Ze thainn, Solanng er Es Jnnehat. Actum Mitichenn Vor Johannis Baptiste Anno .1.5.0.4. (06.19.) 162. 1505 Januar 15 Veteinbatung zwischen Gilg Zehentner und Magdalena, Witwe des Matthias Nemesch, wegen einer Schuld an ersteren / Megegyezés Zehentner Egyed és Magdolna, Nemesch Mátyás özvegye között az előbbi tartozása ügyében Gilg Zechennter Jtem Jn dem .1.5.0.5. Jar Am Mitichenn Vor Anthony (01.15.) Seinn vor den herrenn des Rats Erschynn der Erber Gilig Zehenntner Vnd fraw Magdalena, ein verlassene witib des Nemesch Mathiesch, vnd sagten, Wie Sy durch die Ersamen, Weisen Michell Yban, diezeit des Rats, Caspar kramer, Kholbath Hanns Vnd Hanns Jëger, Burger alhie, Vmb die Schuld LXXXX tal. den., So derselb Nemesch Mathiesch Vnd sein hawsfraw benantem Gilig schuldig gewesen seinn, gennczigklich vertragen weren, begerten den selben vertrag Jn das gedennkhbuch Zu Schreiben, als hernach volget. Jtem Zum Ersten Jst dem Giligen vnd seinen Erbenn Von der Nemesch Mathieschin gesprochenn an der Schuld der Weingarten Jm Newnnperg, des Nachper ist Mertt khramer, frey vnd ledig per LXXII tal. den. Vnd Jëger Hanns soll dem selben Giligen an Stat seiner Swester, Nemesch Mathieschin, auff dem nagstkunftigen Sand Lörenntzentag (1505-08.10.) bezallen XVIII tal. den., dafür Seczt Sy Jerem brueder, Jëgër Hannsen, Zu fürphanndt Jeren Weingarten auff den Stainn, des Nachher seinn herr Raphaell vnd herr Michell gebrüeder die Schottel. Vnd welher taill den Spruch nit hiellt, Vnd Jn ainigerlay weg oder mass äfriet, Jst Zu Gemeiner Stat verfallen Zehenn Hungrisch gulden vnd soll dennoch diser spruch vnd vertrag Jn khrëfften beleiben Trewlich vnd vngeüerlich. Actum vtsupra. Tempore Georgy pawngartner Magistro Ciuium Et valentini Swingenhamer Judicis [96]
