Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
ongeferde. Actum 10. die May Anno etc. 42 (1542.05.10.). Sub dominis magistratibus Joanne Reiß magistrociuium et Leopolldt Stainer Judice. 681. Michael khatter, burger Zu Odnburg, Catharina, sein eeliche hausFraw, haben fur sich vnd Jr beder erben nutz vnnd gwer emphanngen ainer wisen, genannt die Frey wisen, neben Michaelln greissers wisen gelegen, wellche wisen der eilenden Zech vmb 5. tal. den. verpfenndt gewesen, wellch gellt on suntag Reminiscere Anno domini 1531. (03.05.) den bruedern gemellter Zech erlegt vnd beZallt [worden], auch von dem Zechmaister fur frei, ledig, alls Jr frei erkhaufft guett, auff- vnd vbergeben worden, Wie dann sonsten khain pfandtung darauff ist. Actum die et anno et Sub dominis magistratibus vt proxime Supra. (1542.05.10) 682. Anna, weillenndt Blasi Ramsawer, burgers Zu Odnburg selign verlassen wittib, hatt fur sich vnd Jr erben nutz vnd gwer emphanngen aines achtl Weingarten Jm Hermbier, Zwischen Anndreenn weyda vnd phillippen walltl, beder Weingarten gelegen, den weillenndt Mert Mockh gedachtem Jrem haußwirt selign an seinen diennsten Odnweiß geben vnd sy mitteinander denselben erst vmbgerissen haben. Nachdem aber ermellte Anna nach ableiben emennts Jres haußwirts von gedachts Mockhen verlassen khindem vnuuerschaidenlich ongeZaigts Weingarten halben angesprochen worden vnd von wegen Jrer habenden Spruch Zu völliger erledigung [sollch Weingarten] desselben nach gerichtlicher erkhantnuß .3.tal.den. emphanngen, so haben sy, die [121 v ] khinder sollchen Weingarten ernennter Anna fur frei, ledig auff- vnd vbergeben. Sy sein auch diß Weingarten halben Jr recht, trew gewern vnd furstanndt gegen 88 Cristen vnd Juden, nach Stattbrauch, ongeferde. Actum den .14.tag May Anno etc. .42.(2542.05.14) .Sub dominis magistratibus Joanne Reiß [Judice] magistrociuium et Leopolldo Stainer Judice. 683. Gall Rott, burger vnnd Schuechmacher hanndtwerchs maister Zu Odnburg, Barbara , sein eeliche hausFraw, haben fur sich vnnd Jr beder erben nutz vnd gwer emphanngen ainer wisen vnndterm leberperg, Jm winckl genannt, vnd dreier Joch ackher dabei gelegen, daneben aines SechZehentaill Weingarten, auch daselbs am Leberperg, neben-Wollfganngen Paurn Zu wanndorff Weingarten ligenndt. Mer aines khrauttackhers, mit der ainen seittn an des Peter grafen wisen, mit der anndern an Bartlme wallchen khrauttackher rainenndt, die sy alle, die frandt von Magdalena, weillenndt Gillgen Ledrer, burgers Zu der Neustatt selign , verlaßner wittibn, vmb ain Suma gellts fur frei, ledig erkhaufft vnd beZallt haben. Gemellte wittib hatt auch sollche stuckh fur frei, ledig auff- vnd vbergeben, mit dem erbietten, das sy fur sich, Jr erben vnnd all annder, so Zu disen erbstuckhen spruch suechen möchten, rechte gewererin, scherm vnd furstanndt sein welle gegen'Cristen vnd Juden, nach Statt brauch, derhalben sy all Jr guett, wo das gelegen, verpfenndt hatt, ongeferde. Actum an mitichen nach phillippi et Jacobi (05.03) Anno et sub dominis magistratibus vt proxime Supra. 684. Erhart Braunstorffer, Slosser vnd burger Zu Odnburg, Catharina, sein eeliche hausFraw, haben fur sich vnd Jr beder erben nutz vnd gwer emphanngen aines hauß gegen der Spitlkirchen vber vnd an den spitlpach stossenndt, so sy von Bernharten Merhart, tischler vnd burger Zu odnburg, fur frei, ledig vmb ain Suma gellts erkhaufft vnd beZallt haben. Sollchs khaufs ist benennter verkhauffer gedachts Braunstorffer, seiner hausFrawen vnd erben rechter, trewer gewer,scherm vnd furstanndt [122 r ] fur all khunfftig khrieg vnnd ansprach gegen 88 Cristen vnnd Juden, nach Stattbrauch. Ernennter verkhauffer hatt auch ongeZaigte behausung fur frei, ledig auff vnd vber geben. Actum den .30. Juny Anno et sub dominis magistratibus vt Supra. 685. Sigmund Rueff, pader Zu Odnburg, Dorothea, sein eeliche hausFraw, haben fur sich vnnd Jr beder erben nutz vnnd gwer emphanngen aines Weingarten Jm pöltleinspaumb-
