Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
khunfftig ansprach gegen Cristen 83 vnd Juden nach STattbrauch, der verkhauffer hatt auch bemellts hauß frei, ledig auff- vnd vbergeben. Actum sub dominis Magistratibus Christophoro Gratzer magistrociuium, Joanne Reiß Judice, an freitag vor Jubilate Anno etc. 36 (1536.05.05.). 605. Ambroß, waillennd burger Zu Odnburg, Helena, sein eeliche hausFraw, haben fur sich vnd Jr beder erben haben nutz vnnd gwer emphanngen aines sechZehentail Weingarten Jm STainhauffen, Zwischen Hannsen walaschen vnd anndre pinter, beder [heuser] Weingarten gelegen, den sy von herrn Paulin schutzner, alls gwalltrager des Ersamen vnd weisen herrn Mert khettner, burger Zu wienn, dem bemellter Weingarten Zuegehörig gewest, vmb ain Suma gellts erkhaufft vnd beZallt haben. Sollchs khauffs ist bemellter verkhauffer Jn crafft seines gwallts fur sich, sein erben vnd bemelltn khettner gedachts weillannd, seiner hausFrawen vnd erben rechter gwer vnd scherm fur all khunfftig ansprach gegen Cristen vnd Juden 86 nach STattbrauch. Der verkhauffer hatt auch bemellten Weingarten frei, ledig auff- vnd vbergeben. Actum sub dominis magistratibus Christophoro gratzer magistrociuium, Joanne Reiß Judice, an freitag nach Bartholomei Anno etc. 36 (1536.08.25.). 606. Anndre pinter, burger Zu odnburg, Radigund, sein eeliche hausFraw, haben fur sich vnd Jr beder erben nutz vnnd gwer emphanngen aines SechZehentaill Weingarten Jm STainhauffen, Zwischen ambrosen wällenndt vnd Thoman Rauscher, beder Weingarten gelegen, den sy von herren Paulin Schützner, alls gwalltrager des Ersamen vnd weisen herren Mert khettners, burger Zu Wienn, den bemellter Weingarten Zuegehörig gewest, vmb ain Suma gellts Frei, ledig erkhaufft vnd beZallt haben. Sollchs khauffs Jst bemellter verkhauffer Jn crafft seines gwallts [101 v ] fur sich, sein erben vnd bemelten khettner gedachts Anndre pinter, seiner hausFrawen vnd erben rechter gwer vnd scherm fur all khunfftig ansprach gegen menigclich. 87 Der verkhauffer hatt auch bemellten Weingarten Frei, ledig auff- vnd vbergeben. Actum sub dominis magistratibus, die et anno quibus proxime supra. 607. Thoman Rauscher, Anna, sein eeliche hausfraw, haben fur sich vnd Jr beder erben nutz vnd gwer emphanngen aines achtl Weingarten Jm STainhauffen, Zwischen Anndre pinter vnd Paulin STraichman beder Weingarten gelegen, den sy von weisen herren Paulin Schützner, alls gwallttrager des Ersamen vnd weisen herren Mert khettner, burger Zu wienn, dem bemellter Weingarten Zuegehörig gewest, Vmb ain Suma gellts fur frei, ledig erkhaufft vnd beZallt haben. Sollchs khauffs Jst bemellter verkhauffer Jn crafft seines gewallts fur sich, sein erben vnd ermellten khettner gedachts [Anndren] Thoman Rauscher, seiner hausFrawen vnd erben rechter gwer vnd scherm [sein] fur all khunfftig ansprach gegen menigclich. 87 Der verkhauffer hatt auch bemellten Weingarten Frei, Ledig auff- vnd vbergeben. Actum sub dominis magistratibus, die et anno quibus proxime supra. 608. Paull STraichman, Dorothea, sein eeliche hausFraw, haben fur sich vnd Jr beder erben nutz vnd gwer emphanngen aines achtl Weingarten Jm STainahuffen, Zwischen Thoman Rauscher vnd Niclasen Eißner, beder Weingarten gelegen, den sy von herren Paulin schützner, alls gwallttrager den Ersamen vnd weisen herrn Mert khettner, burger Zu wienn, dem bemellter Weingarten Zuegehörig gewest, vmb ain Suma gellts fur Frei, ledig erkhaufft vnd beZallt haben. Sollchs khauffs Jst bemellter verkhauffer Jn crafft seines gwallts fur sich, sein erben vnd ermellten khettner gedachts Paulin STraichman, seiner hausFrawen vnd erben rechter gwer vnd scherm fur all khunfftig ansprach gegen menigclich. 87 Der verkhauffer hatt Von vnd angefangen nachträglich unterstrichen Von gegen angefangen nachträglich unterstrichen
