Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
540. Michael Raidi, Burger Zu Odennburg, elisabeth sein hausfrau vnd Ir erben haben nütz vnd gwer emphangen aines Virtl hauß mit seiner Zuegehorung in sand georgen gassen, neben mathes schöttl vnd der frauen feüstlin Vnd Ir, der kauffer hauß gelegen, das sy von Steffan Spilber, burger Zu gemelter stat odenburg kaufft vnd beZallt haben. Derselb Spilber Inen solh virtl haus vor dem grundtpuech fur ledig vnd frei hintz christen vnd Juden in Ir nutz 62 vnd gwer aufgeben vnd eingeantwurt. Actum montag nächst vor sand Johanns tag des tauffers seiner geburd Anno etc. im 1531 (06.19.). Sub Magistratibus Supra nominatis. 541. Michael, der Jung Döldl, Burger Zu odenburg, margaretha sein hausfrau vnd Ir erben Haben nutz vnd gwer emphangen aines alten stadel vnd öden gemeuers mit seiner Zuegehorung, neben gemainer stat Mairhof 62 Vnd der Roßschwem am egk gelegen, den sy Von weilend Hieronymus Hierss erben vnd mit wissen derselben gerhaben kaufft vnd beZalt haben, fur ledig vnd frei hintz christen vnd Juden. Beschehen montag vor sand Johanns tag des tauffers seiner geburd Im XXXI ten Jar (1531.06.19.), sub Magistratibus Supra nominatis. [85 R ] 1531. 542. Mathes garthner, Burger Zu Odennburg, Katherina sein hausfrau vnd Ir erben haben nütz vnd gwer emphangen 1res hawss in der stat Zu odenburg in sand georgen gassen, Zwischen sand georgen khirchen vnd Her petern Lanng hewse(r) gelegen, das mit kauf von weilennd georg eisners, burgers daselbst erben, mit nomen georg vnd vrsula, vnd derselben fur gesetzten gerhaben, peter vischer vnd elisabeth, seiner hausfrauen, fur ledig vnd frei an sy kumen ist. Vnd die erben haben Inen berurt hausung vor dem grundpuech vnd den herren von odenburg In ir nutz vnd gwer eingeantwurt mit aller Irer Zuegehorung, vnd gemelter gartner vnd sein erben haben bemelte hausung beZallt nach laut, Wie es im kauff ist abgeredt vnd Zuegesagt worden. Actum Mittichen Vor Joannis Baptiste seiner geburdt Im XV e vnd XXXI ten Jaren (1531.06.21.). Sub Dominis magistratibus Martino sighart et andrea paltrumb. 1531. 543. Andre waida, Burger Zu Odennburg, Agnes sein hausfrau, Ir baider erben haben nutz vnd gwer emphangen aines sechtZehentail Weingarten Inn Clausen, neben christan Fleischagker gelegen, das ettwon Zu sand Sebastian kirchen hie gehört Vnd Von den herren des Ratz vmb 5 tal. den. erkaufft vnd beZallt haben, fur ledig vnd frei. Beschehen montag nach Johannis baptiste Ze der geburd Im XV e vnd XXXI ten Jaren (1531.06.26.). Sub Magistratibus Martino sighart et Andrea paltrumb. [85 V ] 1531. 544. Mathes tröppl ratzburger Zu Odenburg, elisabeth sein hauswirtin Vnd Ir Erben haben nütz vnd gwer emphangen aines Virtl Weingarten im Neuperg, neben des wegs vnd der Vischer Zech Weingarten gelegen, das sy Von Weilennd michael Iban erben, mit nomen magdalena meixnerin, so ytzund Berenharten gloßn eelich hat, Vnd wolfl Kladenawer für ledig vnd frei kaufft vnd beZallt haben hintz christen vnd Juden, 63 actum freitag nach sand Virichs tag im XV e vnd XXXI ten Jaren (1531.07.07.). Sub dominis Magistratibus Martino sighart et andrea paltramb. Von stadel angefangen nachträglich unterstrichen Von hintz angefangen nachträglich unterstrichen
