Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
404. Steffan peckh, burger Zu Odennburg vnd n., sein hawswirtin hat nutz vnd gwer emphanngen seines hawss in der vorstat, an der schmidgassen, Zwischen matthes Brunner vnd Casparnn nesslinnger heüsernn gelegen, das Er von weylennd herr Steffan Schonngründtner, etwon pharrer Zu der Eysneinstat [vnd seiner Erbenn] erkauft [das] vnd Im dann nachmalnn durch desselben herr Steffan selgen nächst erben mit aller gerechtigkhait vnnd Zuegehorüngen frey, ledig vor aller ansprach hints christen vnd Juden 28 eingeanntwort [haben] worden, sein auch Hiemit von gemelltem Steffan peckhen sölher schulde ganntz entricht vnnd vergnüegt etc. Beschehen tempore petri Lanii tunc temporis magistriciuium et martini sighart Judicis, feria sexta post natiuitatem Johannis baptiste Anno Vicesimo tercio (1523.06.26.). [60 v ] 1524. 405. Hanns Zschiegkh, Burger Zu Odennburg, Katharina sein hawswirtin Vnd Ir baider Erben Haben nutz vnd gwer emphanngen aines hawss, So sy Von Pauln trätschl Vnd seinen Erben erkaufft Vnd beZallt, Zwischen her Vlrichen Beneficiaten Vnd n. satler hewsern in der Rosengassen gelegen. Beschehen Zu Zeiten Der Ersamen, Weisen herren Peter fleischagkher Burgermaister Vnd merten Sigharten Statrichter an montag post Dominicam Jubilate Anno etc. inn XXIIlf" 1 (1524.04.18.). 1524. 406. Maister Steffan Barbir, Burger Zu Odennburg Vnd Dorothea sein eeliche hawswirtin Vnd Ir erben haben nutz vnd gwer emphanngen Dreier drittail Weingarten, ainer Im weitengrund, neben [Sigmund Kürsner] Emerich Swartz schuster Sun Weingarten, Der annder Weingarten im Stainer, Zwischen Wolfganngen wagner vnd Quirein Strabmer Weingarten gelegen, Der dritt Weingarten Inn grefften neben Valentin Khersengraf Weingarten gelegen. Dieselben drey Weingarten gehören dreier geswistergiter Zue Vnd rüeren Von weilennd Leonhart Steirer vnd seiner hawswirtin Iren Vater Vnd mueter her. Vnd genannter maister Steffan vnd sein [Erb] hawswirtin haben miteinander die drey drittail berürter drey Weingarten Von der Barbara, Irer swester Vnd Swägrin, die des dement mair Schuster Zu Biesting in Osterreich hawsfraw ist, mit [des dement] seinem willen kaufft Vnd an hewt mit beraitem gellt beZallt ledig vnd frei. Beschehen Zu Zeiten der Ersamen, weisen herrn Michaeln Iwan Burgermaister vnd Michaeln Pulendorffer Statrichter Zu Odennburg, an mittichen ante ascensionem domini Anno XV e vnd XXIIII tei1 (1524.05.04). 407. Erhart schimblin Weingarten. Cuennts vischer, Burger Zu Odennburg, margaretha sein hawswirtin vnd Ir baider Erben haben nuts vnd gwer emphanngen aines halben Weingarten im angrer gelegen, nächst bei dem kreutz, den sy Von frawen magdalena, weilend Erharten Schimbl schuester gelassen witibe vnd Ir baider erben erkaufft, beZallt vnd an heut XXII tal. den. die lesst werung auf dem Rathawß Zu des schimbl kinder hannden erlegt vnd den kindern vorbehallten sollen werden. Die berürten XXII tal. den. sol die schimblin vnd Vincents Ziegler, Ir hawswirt an ain weingarterb anlegen mit willen vnd wissen aines Ersamen Rats vnd die kinder darauf vorweißen. [61 r ] 29 Doch sollen Die fraw vnd Ir hawswirt berürts weingarterb bewlich vnd wesenlich innhaben, die nutzung vnd frucht, biß die kinder vogtber werden, darauß emphahen vnd die kinder dauon vnnderhallten vnd wann die Vogtber werden, sollen In Ir vater vnd muter genanten Weingarten in gutem paw on Widerrede abtreten. Beschehen Zu Zeiten der Ersamen, weißen michael Iwan Burgermaister vnd michaein Pulendorfer statrichter, an Freitag nach gotsleichnambstag Im 1524 Jar (05.27). Ob gemellter erhart Angefangen von hintz nachträglich unterstrichen Auf 61 v oben steht: 1524 5.9
