Dominkovits Péter: Második telekkönyv 1554-1580 (Sopron, 2015)
A telekkönyv
viertl weingart jm Jrrnfridt zwischen Georg Tragsler khursner vnnd Caspar Lanng Weingarten gelegen emphangen welhes an sy von Niclaß Krieglstain schuesster mit khauff vmb ain summa gelt khumen, deren khauf summa gedahter Niclaß Khrieglstain benuegt vnnd betzallt worden vnnd jst solhes khaufs vorgedahter Niclaß Krieglstain annfanngs benanter canlewt reht trew, geweher schermb vnnd vorstandt gegen cristen vnnd juden nah statbrauh. Act[um] auf dem rathauß den 7. Aprilis Anno [etc] [15] 57. 104. (II.-101-102.) Gregor Garauß, Khunig[u]ndt sein ehelihe hausfraw haben für sich vnnd jre erben nutz vnnd gweher vmb ain hawß jn der Schrippergassen zwischen Niel mairhof vnnd Stefann Schirnprant heuser gelegen emphangen welhes an sy von Thomam Pawrn vmb ain summa gellt kheuflihen khumen d[er] khaufsumma er Thomam Pawr enndtriht vnnd betzallt worden vnnd ist numalß [!] gedahter Thomam Pawr anfangs gemelter channleut vnd jrer beeder erben recht trew, gewehr schermb vnnd vorstanndt gegen cristen vnnd juden nah statprauh. Actum auf dem rathauß den 9. tag Aprilis A[nn]o [15]57t[en]. 105. (II.-102.) Valentin vom Thurrn, Barbara sein ehelihe hawsfraw haben für sich vnnd jre erben, nutz vnnd gewehr aines hawß emphangen vmb ain mull jn d[er] Schwemb gelegen so halber thaill von seinem vatern erblihen an jnen gefallen vnnd halber thaill von maister Peter Maurer erkhaufft vmb ain summa gellt d[er]er khaufsumma22 er maister Peter enndtriht vnnd benuegt vnnd ist nunmalß gedahter maister Peter Maurer anfangs gemelter khaufleut vnnd jr erben reht trew gewehr schermb vnnd vorstanndt gegen cristen vnnd juden nah statbrauh. Actum auf dem rathauß 10. May A[nn]o [etc] [15]57. 106. (II.-102.) Wolfgang Deimbl, Brigitha sein ehelihe hawsfraw haben für sich vnnd jre erben nutz vnnd ge wer aines hawß jn d[er] Hindern gassen zwischen Florian Panntzer vnnd Georg Gwörl hewser gelegen emphanngen, welhes an sy vom Valentin vom Thurrn mit khauf vmb ain summa gellt khumen, deren khauf summa gedahter Valentin vom Thurrn benuegt vnnd betzallt word[en], vnnd ist solhes khaufs benenter Valentin vom Thurrn anfangs benenten canlewt vnd jren erben, reht trew, gewer, schermb vnnd vorstandt gegen cristen vnd juden nah statbrauh. Actum auf dem rathauß den 10. tag May. A[nn]o [etc] [15]57. 107. (11.102-103.) Niclaß Fidler, Elizabeth sein eehelihe hawsfraw haben nutz vnnd gewer für sich vnnd jre erben aines hawß in der Khlain 22 Ajegyző először „khaufs”-ot írt. / Der Notar hatte zuerst das Wort „khaufs” niedergeschrieben. 54
