Dominkovits Péter: Második telekkönyv 1554-1580 (Sopron, 2015)
A telekkönyv
bürgerlich guett in gehabt vnnd genoßen, welchen der wollgeborn Stephanus Pethew von Gerse, wollermelldes herren Johann Pethew, nachgelaßner eltister sohn, fuer sich selbst vnd an stadt seiner mitgeschwistriget, mit nahmen Caspari, Christophori, Johannis vnd Francisci, vmb das jnen solcher mairhoff vnd zuegehörung, zuerhallten nicht ersprüeslich gewest, auff vnndterhandlung der wollgebornen edlen vnd vesten herren Emerici Czobor, Andreae Zazi, Thomae Chernely vnnd Georgy Hozzuthoti etc ermelldtem herren Hansen Naghy vnd seiner hausfrawen, als ein frey aigen erkhaufft guett, widerumben vmb ein suma gelldts, die jme erlegt, vnd die erben samentlich vermüg habender fassion vnd anderer brieflichen vrkhunden, so herr Naghy derowegen bey handen, mit vorwißen vnd bewilligung eines ersamen wollweisen rahts alhie zu Öedenburg, widerumb frey ledig verkhaufft hat. Ist der wegen wollermellder herr Stephanus Pethew sambt seinen ernenten geschwistreten, fuer sich selbst, seiner geschwistriget vnnd jerer befreundten oder erben, so sie khonftigjer] zeitt haben vnd bekhomen möchten, der khauffer dises mairhofs, möllschlages, gartens vnd anderer zuegehörung rechter nutz gwör vnd scherm gegen meniglich. Actum zu Prespurg am sonabent nach Oculi Jm Achzigisten jar, vnnd ist die gwör zw Öedenburg bewilliget word[en] den Achzehenden Marty vorermelldes jars. Sub magistratibus Jacobo Müetlero vice magistro civium et Johanne Geringio judice ordinario. Anno et die ut supra, [etc]. 130
