Dominkovits Péter: Második telekkönyv 1554-1580 (Sopron, 2015)
A telekkönyv
391. (II.-217.) Lorentz Paur vnnd Christina sein eheliche hausfraw, haben nutz vnnd gwör empfangen wegen herren Carl Rosenkhrantz seylligen behausung in der Fleischakher gassen, neben Christoffen Schlosser vnnd Thoman Rosenkhrantz behausungen daselbst gelegen, welches von Hansen Feuer als gerhaben vnnd den befreundten sein Rosenkhrantz nachgelassner khinder khauffweise an sie khomen, sein derhalben ermellder gerhab vnnd befreundte der khauffer diser behausung wegen rechter nutz gwör vnnd scherm gegen meniglich. Actum den 16 tag January Anno D[omi]ni M. D. LXXIX. Sub magistratibus Christophoro Klobelspergero consule et Joanne Geringio judice, [etc], 392. (II.-217.) Zuuermerkhen das an heutt den 20 tag Marty im [15]85ist[en] jar in versambletem raht erschinen ist, der edl vndt ernuest herr Zacheus Portenschlag, burger des jnneren rahts der stadt Neustadt in Oesterreich, jn nahmen der eheren vnd tugenthafften frawen Vrsula des edlen vnnd ernuesten herren Michaeln Vischers auch gewesten rahtsburgers daselbst, nachgelaßnen wittib, in gebuer anbringent, seittemall jetzternente fraw von des edlen vnnd ernuesten herren Wolff Zehentner von Zehentgrueb, vnnd Catharinae seiner ehelichen hausf[rau] beder seillig[en] nachgelaßnen vogtbaren erben, Hansen, Anna vnnd Catharina, ettliche weingartten zu vnd vmb Öedenburg gelegen, erkhaufft, welche gleichwoll vor jaren arrestiert gewesen. Nun aber ordenlich relaxiert, bittendt den schein der relaxierung sambt dem unuermailigten khauffbrieue an einer ordenlichen gwor stadt, alhie zu prothocoliren, welches wier nicht abschlagen wollen sonder Verordnung gethan, das bede schein vnnd khauffbrieue von wortt zu wortt aus den originalib[us] hernach eingeschriben worden, [etc], 393. (II.-218.) Denen edlen ehrnuesten füersichtigen ersamen vnd weisen herren N. burgermaister richter vnd raht der khoniglichen freystadt Öedenburg, entbeut ich Thoman Uberpacher herren Christoffen freyherren zu Herberstain Wittperg vnd Guetenhag, erbcamerer vnd erbtrukhseß in Khernten der E[dlen] d[em] Ertzhertzogen Carls zu Oesterreich, [etc], dienner, mein genaigt willige dienst zuuor, vnd fuege eur h[erren] hiereben zuuernehmen, das mein genädiger herr von Hansen Zehentner von Zehentgrueb etc der suma gelts so er obberiertem meinem genädigen herren zuthuen gewest, an heut dato par entricht word[en], darumben jr h[errn] etliche weingartt vmb vnd zu Öedenburg gelegen verpfent vnnd alberait, vermiig eines von eur e[hren] w[esten] gegebenes Scheins verarestirt gewest, welchen schein ich vormals, wie vngezweifelt eur e[dlen] e[hrnuesten] w[ohlweisen] guet wissen haben, den herren beantwortt vnd darmit das verbot relaxiert hab, weillen aber die fraw Vischerin die gedachten weingartten, welche meinem g[nädigen] 127
