Dominkovits Péter: Második telekkönyv 1554-1580 (Sopron, 2015)
A telekkönyv
367. (II.-211.) Herr Frantz Cramer, Regina sein hausfraw haben nutz vnd gwör empfangen wegen eines vierttl weingartten im Mögerler neben Michael Pantzer vnd die Gaspizischen erben weingartten daselbst gelegen, welches von Emerich Rainer vnnd bewilligung seiner khinder, gleichsfalls mit bewilligung seiner schwagerin vnnd der vngeuogten khinder, an welcher stadt h[err] Thoman Franckh vnnd Erhartt Arttner fuergestand[en], vnnd also samentlich die gwör vbergeben, sein also jetzt bemellde verkhauffer vnd erben der khauffer dises weingartts wegen, rechter nutz gwör vnnd scherm gegen meniglich. Actum den XX Marty. Anno. M. D. LXXVI. [!] Sub magistratibus Christophoro Klobelspergero consule et Joanne Geringio judice. 368. (II.-211.) Hanß Feurer vnnd Magdalena sein ehliche hausfraw haben nutz vnnd gwör empfangen, wegen eines gereitts im Potzman, neben Michaeli Khraxners gereift daselbst gelegen, welches sie von Magdalena Hansen Taschners seylligen nachgelassnen wittib erkhaufft. Ist also jetztermelldte verkhaufferin, der khauffer dises gereitts wegen, rechter nutz gewör vnnd scherm gegen meniglich. Actum den 1 tag July Anno M. D. LXXVII Sub magistratibus Christophoro Klöbelspergero consule et Johanne Geringio judice. 369. (II.-211.) Ambrosius Rorer vnd Christina sein hausfraw haben nutz vnd gwor emphangen wegen einer behausung in der Fleischakher gassen neben Melchior Scherben burgers allhie vnd gemainer stadt zeugstadtl welches von Blasio Bleyer khaufweise an jne khomen, vnnd doch seinen sohn zu khauffen vor einen raht fuerbracht. Ist d[er]wegen ermelldfer] Pleyer od[er] seine erben sein Abrosy [!] Rorers od[er] seines sohns dises hauß wegen rechter nutz gwör vnd scherm gegen meniglich. Actum den 1259 Juny Anno. M. D. LXXVII. Sub magistratibus Christophoro Klobelspergero consule [et] Johanne Geringio judice. 370. (II.-211.) Georg Prinner vnnd sein hausfraw haben nutz vnd gwör emphangen wegen einer behausung in der Neustifft, neben dem Schiferischen mairhoff gelegen, welches von Niclasen Schrans seilligen nachgelassnen wittib vnd erben an sie khomen. Ist derweg[en] ietztermellde wittib vnd erben der khauffer diser behausung halben rechter nutz gwör vnd schermb, gegen meniglich. Actum den 19 tag July den 30 January Anno. M. D. LXXVII. Sub magistratibus Christophoro Klöbelspergero consule et Johanne Geringio judice. 59 Sor fölé írt betoldás. / Einfügung über der Zeile. 121
