D. Szakács Anita: 16-18. századi orvostörténeti vonatkozású végrendeletek; A kora újkori Sopron város egészségügyének társadalomtörténeti forrásai (Sopron, 2008)
Die Quellen/ Források
vnuerthünlich, wie leibgedings recht vnnd gewonheitt ist, ohne menninglichs einredt vndt wiedersprechen genießen, da aber vnßere liebe dochter Vrsula vor irer voigtbarkeitt zeittlichen todts abging, sol mehrernentter mein liber hauswirth denen nechsten befreündten, so sich gnugsam wegen mein werden legittimiren können, halbes guet wie angezeigtt, auch zu völliger irer abferttigung gegen gnugsamer verzichtt, Wenaus zugeben schuldig sein. Mitt den gesambt ton guetern aber sol es dem stadbrauch Oedenburg nach gehaltten werden. Lestlichen schaff ich der kindtswartterin Vrsüla, wegen irer treuwen dienst 12 t[aler] d[enar]: dißes geldt sol ir mein hauswirth als baldt, nach meinem ableyben zustellen. Wil also dies mein testament vnnd enndlichen letsten willen, hiemit beschloßen, vnd eine ersamen wolweißen rath alhie, als oberste executorn höchstes vleis vnd vmb Gottes willen gebetten haben, darob zu sein, damitt solchs in allen puneten vnd artickheln ohn menniglichs jrrung genzlich volzogen vnndt gehaltten werde, velchs der allmechtige Gott vmb alle vnd jede jnsonderheitt zweiffels ohn reichlig belohnen wirdt, des zu warem vhrkhundt vnnd mehrer der Sachen Versicherung, hab ich vorbemelte herren testamentarien abermaln fleißig gebetten, das sie dies mein testament nach meinen ableyben mitt jhren gewönlichen pedtschafften, doch inen ihren erben vnndt pedschafften ohne schaden, verferttigen, an gebuerliche ort bringen, vnd darumb sagen wollen was recht ist. Datum Oedenburg den 17 Április A[nn]o 92. [Auf dem äußeren Teil des Dokuments/Az irat külzetén:] Veronica herrn Michaeln Maiern burgers vnndt spittalmeisters zu Oedenburg ehelichen hausfrauw[en] seeligen hierinnen verschloßner endlicher letster will vnndt mainung etc. Eröffnet den 10. July Anno [15]92. vnd baiden partheyen abschrifft bewilligt worden. Gesiegeltes Original/ Pecsétekkel ellátott eredeti SLiSVLt, Lad. M. Fase. I. Nr. 31. 13. Ödenburg/Sopron, 1596. szeptember 2. Testament des Michael Maier Spitalmeisters und Bürgers zu Odenburg/ Michael Maier ispotálymester és soproni polgár végrendelete Jn dem namen der Heiligen Dreyfaltigkeit, Gott deß Vatters, Sohns, vnd Heiligen Geistes Amen. Hab ich Michael Maier burger allhie zu Oedenburg, bedacht vnd zu hertzen genommen, das zergengklich leben dißer weit, vnd d[a]s nichts gewißers als der todt, aber nichts vngewißers als die stund seiner schnellen zukunfft, vnd das ainem yeden menschen von Gott vnd der natur zusterben auff-
