1100 Jahre österreichische und europäische Geschichte in Urkunden und Dokumenten des Haus-, Hof- und Staatsarchivs (1949)
1100 Jahre österreichische und Europäische Geschichte - Transkriptionen und Erläuterungen
faciant. Adiectum etiam est et conclusum, quod post obitum dicti domini nostri imperatoris rex pro tempore et regnum Hungarie facultatem habeant dicta castra Vorchtenstain et Kobelstorff et eorum redditus, casu quo idem castrum Kobelstorff per dictum dominum nostrum imperatorem / demolitum non fuerit, attento quod modice estimacionis et ruinosum existit, alias ipsius redditus reluendi ab heredibus sue imperialis maiestatis pro summa quadraginta millium florenorum Hungaricalium et ducatorum boni auri et iusti ponderis. Item quia prefatus dominus noster imperator bonis et honestis respectibus / hucusque titulo et nomine regio regni Hungarie usus est, deliberatum est et conclusum, quod eadem sua maiestas imperialis huiusmodi titulo regio a prelatis, baronibus, nobilibus, proceribus et aliis regnicolis regni Hungarie in antea libere et quiete in eorum litteris et ubilibet honorata et decorata, quoad vixerit, remaneat, / et rex dicti regni Hungarie ac aliorum regnorum eidem regno coherencium nominari et vocari et eo titulo uti et frui possit et valeat, impedimento contradiccione et turbacione regis pro tempore dominorumque et inhabitatorum ipsius regni prorsus amotis. Item ut respublica et felix sancte Romane ecclesie christi- aneque / religionis status augeri et promoveri eo salubrius et utilius possit, prefatus dominus noster gloriosissimus imperator serenissimum dominum nostrum Mathiam regem dominum nostrum gratiosissimum pro filio suo adoptivo habebit et paterne amplectetur et in presenciarum in filium recipit et adoptat, eique et regno amiciciam, favores / et promociones paternas in antea faciet eundemque dominum nostrum regem Mathiam filium suum nominabit et in recognicionem tante clemencie, que multis respectibus a sua sublimitate Cesarea eidem domino nostro regi Mathie ad honorem et comoda cedet, ut digna vicissitudine gratitudinis debite se erga suam / imperialem maiestatem exhibeat, conclusum est, quod idem dominus noster rex Mathias adoptivus filius sue serenitatis prefatum dominum imperatorem ex adverso, quoad vixerit, pro patre honorare, reputare, nominare, scribere et tenere debeat annuerunt, quod idem dominus noster rex Mathias prefatum dominum nostrum imperatorem / patrem et regem nominet, honoret, reputet et eidem patri et regi Hungarie scribat. Insuper dominum nostrum regem Mathiam ac prelatos, barones, proceres, nobiles, incolas et inhabitatores dicti regni Hungarie atque nos, ipsumque regnum supradictos vigore mandati nobis traditi, obligamus et astringimus per presentes / ad servandum inconcusse perpetuo cum eodem domino nostro Romanorum imperatore et heredibus terrisque et dominiis suis pacem inviolabilem, ligis et inscripcionibus incontrarium facientibus non obstantibus quibuscunque, immo sublatis eisdem, et ad consilia, auxilia, et subsidia sue imperiali celsitudini necnon serenissimo / principi domino Maximiliano sue imperialis maiestatis filio cunctis in adversis contra quoscunque, tociens quociens fuerit opportunum, sanctissimo domino nostro papa Sede Apostolica et sancta Romana ecclesia dumtaxat exceptis, efficaciter pro posse danda, facienda et prosequenda, ad sue maiestatis imperatorie et prefati filii sui / requisicionem prefatorum regni Hungarie et regis pro tempore expensis, dum tamen in expedicione generali contra Tureos in hoc non fuerimus prepediti, ac irracionabili mora et contradiccione quibusvis in hiis omnino cessantibus, libertatibus dicti regni in aliis semper salvis. Ob quod imperatoria maiestas grata / vicissitudine favoribus et promocionibus dictum dominum nostrum regem Mathiam et regni Hungarie bonum statum, signanter contra Tureum et infideles Christi hostes, aput sanctissimum dominum nostrum summum pontificem, Sedem Apostolicam, principes sacri Romani imperii et alios, ubi opportunum fuerit, sincere / promovere et si premissis tamen signanter ad causam castrorum, ut supra ordinatis semper salvis, aliqua parcium sive domini aut eorum subditi utrumque inter se alter ad alterum querelas aut peticiones quascunque habere pretenderint, illas prout de iure et non aliter prosequi debebunt, quorum occasione iusticia ad / conquerendum requisicionem expedite erit administranda. Item ad finem, quod sincera affeccio prefati domini nostri imperatoris, quam ad dictum dominum nostrum Mathiam regem, filium sue imperialis maiestatis, et pretactum regnum Hungarie gerit amplius ab omnibus cognosci valeat, sua imperialis celsitudo nobis / supradictis, Stephano archiepiscopo, Johanni episcopo, Nicolao wayuode, comiti Ladislao de Palocz et Emerico tesaurario sacram coronam ipsius regni Hungarie, sue maiestati per quondam serenissimam dominam Elizabeth reginam una cum serenissimo olim bone memorie rege Ladislao ad fideles manus assignatam / et hucusque fideliter tentam et custoditam, ne ad alienas manus illam devenire contingeret, opidumque Soproniense nomine dicti domini nostri Mathie regis et ipsius regni Hungarie graciose assignavit et omnem obligacionem super eodem remisit. Item ad maiorem solidacionem paterni amoris et in retribucionem clementissime / affeccionis ipsius domini nostri imperatoris ad dominum nostrum Mathiam regem et ipsum regnum Hungarie, quod que imperialis maiestas eo promptior ad ipsius regni comoda et boni status incrementa accuracius promovenda alliciatur, deliberatum et conclusum est, quod vacante regno Hungarie filiis seu / nepotibus legittimis ex prefati domini nostri regis Mathie lumbis procreatis non extantibus, sua imperialis maiestas aut filius sue Cesaree sublimitatis quem ad hoc deputandum duxerit et post sue serenitatis decessum, filius eiusdem sue maiestatis quem reliquerit, aut si plures fuerint relicti, alter ex istis, quem regnum / ipsum preelegerit in regem, ipsi regno Hungarie preficiatur cum plena eiusdem regni administracione. Item, si ut prefertur, prefatum regnum Hungarie vacaverit, provideri debet per prelatos, barones, proceres, nobiles, incolas et inhabitatores eiusdem regni, quod imperialis maiestas aut filius eius, ut premittitur, consilio et potenti auxilio / eiusdem regni Hungarie, ut moris est, coronetur et in administracione plena regni in pace recognoscatur et efficaciter pro rege 43
