Evangélikus főiskola, Pozsony, 1866

8

pertinere, in quo proposito me adjuvet sacrosancta et individua trinitas. Amen. Scripsi 26. Januarii, anno 1621.

Tobias Benedicti, in comitatus Liptoviensis ecclesia s. Michaelis , patre reverendo Nicolao Benedicti, matre Dorothea Nostici- ana, e legitimo toro susceptus, in diversis locis et scholis educatus, maxime vero per clarissimum dominum m. Eliam Ursinum, Delitianum, in gymnasio Banovicensi fere quinquennio in pietate et literis humanioribus formatus; ibidem ex officio collegae ad regimen scholae Necz- paliensis, ex ea denuo ad mercaturam literaruin Leutschoviam; hinc ad functionem scholae Kosenbergensis; post ad notariatum in arcem Trencsin; illinc denique ad clavum gymnasii Banovicensis (ubi triennium et semestre docendo continuavi) evocatus; tandem ex dispositione dei optimi maximi nutu et consensu vero illustris et m. domini Caspa- ris lliésházi ad pulpita ecclesiae Tarnovicensis in comitatu Liptoviensi legitime evocatus et requisitus, sacro ministerio investitus sum, sub admodum reverendo et clarissimo viro, domino m. Joanne Hodikio, su- perattendente, coram quo et aliis piis testibus publicis et privatis sancte promisi, me omnia ea in me comprobaturum, cum deo, quae ministrum, typum fidelium, addecebunt. Insuper et albo ordinatorum libro et Concordiae subscribentium, nomen meum inscripsi cum hoc Concordiae encomio:

Haec illa est concors concordia, quae mihi cordi

Semper erat, nunc est, et erit, dum vita futura.

Ita sentio, ita scribo, et subscribo. 1624 d. 23. Julii.

Ego Daniel Dubravius, Solnensis, recognosco hac mea subscriptione me natum Solnae ex parentibus adhuc superstitibus, Johanne Dubravio et Agnete Thuria, ab iisdemque litteris inbuendum traditum quidem clarissimo et doctissimo viro rectori Solnensi, Stephano Cruspirio, 2 Seraphino Vilhelmi, 3 clarissimo itidem viro Alexandro Szoczovino, 4 Johanni Nigrino, qui omnes jam iv áyíoig: 5 levitate tum puerili per condiscipulos seductum Olomucium, unde deo me clementissime educente rediisse, 6 ad Adamum Corodini, rectorem itidem Solnensem, 7 usum deinceps institutione Joannis Simplicii, Galgoczii, 8 Christophori Hausmanori Sopronii, 9 Benedicti Günsii, 10 Johannis Pinerii Teuto-Pronae, 11 magistri Zachariae Flotvedelii, magistri Gregorii Lany Bicsae. Inde impensis piae memoriae comitis Emerici Thurzó in academiam Yitebergensem promotum, et inde redeuntem