Dertsik János: Paralella linguae Aramaicae seu Chaldaicae et Syriacae institutio (Pestini, 1835) - K.960

»->- 88 ■<-«

§• 35. De Verbis irregularibus (imperfectis).

Verba, quae a communi Paradigmatis lege deflectunt, id est irregularia (imperfecta) commode in tres Classes dispesci possunt: prima Classe comprehenduntur Verba, quae habent litteram gutturalem; secunda, quae in quibusdam flexionibus literam abjiciunt, vel cum alia permutant, aut ad quietem redigunt; tertia denique Classe continentur ea, quae utraque Verborum primae et secundae Classis anomalitate implicita, utriusque legibus obedire tenentur.

§• 36. Classis Prima- I. Verba primae radicalis gutturalis.

Verba chaldaea, quae primam radicalem gutturalem vel Resch habent, respectu anomaliarum, ad omissionem Dagesch fortis, Schva compositum loco simplicis, et Pa- tach loco aliarum vocalium ponendum, redeuntium, Verbis hujus speciei hebraicis prorsus conformia sunt. In Verbis Syris ea tantum irregularia censentur, quorum prima radicalis est Olaph; sed et Verba Chaldaea primae