Ranolder János: Sermones sacri auditoribus suis oblati (Pestini, 1842) - 90.209
18 Dei sedulo frequentanda absterrere putes: ex adverso vestra AA! proba exempla certo certius efficient mox, ut repleantur iterum templa Dei devotis cultoribus, hique ampliori rursus mensura, benefica Christianismi virtute perfruan- tur, quam nunc fors vilipendunt, leviter utique in proprium detrimentum. — Si adusque, quod pro seculi genio nemo negaverit, diffidentia quaedam homines conditionis omnis velut distinuerat anxios: vos ex adverso , genuina religionis vi tamquam renati, ubique inter fratres sinceritatem ingenuam, et candoris vere Christiani spiritum, qui dolum nec novit, nec metuit, renovabitis iterum ac nutrietis, — Si nonnulli pacem seu privatam seu publicam, seu sacram seu civilem fors suffoderent: vos ex adverso strenue sustentabitis eam, nunquam non probe memores moniti evangelici: „pacem habete inter vos, — pacem sequimini cam omnibus “ Marc. 9, 49. Hebr. 12, 14. — Si fors quidam inimicitiae tetra semina seminarent: vos ex adverso, hic altius perpendentes illud iamiam morituri Salvatoris monitum, testamenti instar nobis commissum : ,,mandatum novem do vobis : ut diligatis invie« m , sicut d'ile.ri ros , ut et vos diligatis invicem— beneficam hanc pacis et charilatis religionem ita combibetis, ut, itidem
