Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

Aquisgrani Rex Germanise fuisset coronatus, ultro votum emisit, et ejus exemplo multi alii Principes Germaniae de expeditione suscipienda in Orientem, Crucemque, insigne ad expeditionem hanc pergentium assumpsit, petiitque et obtinuit ab Inno- centio Papa, ut tam in se, quam in alios , qui Crucem assumpserant, excommunicatio constitueretur, nisi certo tempore profecti essent. Petiit deinde solvi hocce voto, obtinuitque , sed dato prius jurejurando de parendo super hoc mandatis Ecclesiae. Cum deinde Romae a. 1220. ab Honorio Papa Imperator fuisset coronatus, Crucem resumpsit, votum publice innovavit, plures ad Crucem suscipiendam induxit, juravitque publice, se in certo termino a Romana Ecclesia sibi praefigendo, profecturum. Cum omnes alii, nec tantum ex Germania, verum etiam ex aliis regnis, parati essent ad proficiscendum, sed Imperatorem velut supremum exercitus ducem praestolarentur, et quamvis Honorius Pontifex hunc etiam ursisset, isque ingentem animum semper prae se tulisset ad proficiscendum; tamen haec nonnisi verba erant, quibus ductabat Pontificem, omnesque alios. Sic res protracta erat usque ad a. 1227. quo Honorius mortuus est. Hugolinus Ordinalis ei successit, qui se Gregorium IX. in Pontificatu nominavit. Mensem Junium hujus ejusdem anni post multas dilationes, et procrastinationes ipse Fridericus Imperator defixerat. Convenit ingens bellatorum multitudo , ut tantum Anglorum sexa- ginta millia essent. Hunc exercitum, ait Scriptor Gestorum Gregorii IX. apud Raynaldum ad an. 1227. num. 28. in civitate Brundusii, regione pestifera, cujus ardoribus ipsa fere solida metalla liquescunt, simulata proprii corporis aegritudine illo detinuit tempore, ut major exercitus pars aeris,

et

A Sec. XIII. usque ad Sec XVI. 5 7 ;