Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

5o6 Institut. Hist. Peel. Pars IV.

do aliquo deviare , sed tali eventu obedientiamy ct reverentiam debitam exhibere. Nam si duodecima Maji nondum illius mentis fuerunt , a fide erga Gregorium suum dominum modo aliquo deviare, et discedere, igitur concludebat Conradus, non esse verum, quod scripserunt, die proxime anteriore undecima Maji, ipsos ab obedientia Gregorii recessisse.

Etiam quod in literis suis scripserint, quibus dies erat apposita prima Julii, se obedien- tiam juxta juris exigentiam subtraxisse a Gregorio, atque universos etiam Christi fideles hortabantur ad idem faciendum, rursus quaesivit Conradus , qua justitia, hoc facere, quo etiam jure concilium indicere, et instituere per seipsos potuerint. Nam etiamsi hoc ipsis jus quam maxime competiisset, si Gregorius Papa refragatus fuisset compositioni Ecclesiarum ad unitatem, tamen istud praetexere non potuisse. Hunc enim dispositum ad convocandum Concilium fuisse, imo illud etiam indixisse , antequam ipsi de eo indicendo cogitassent, ipsosque etiam professos fuisse, suae mentis non esse a fide erga Gregorium ullo modo recedere, dummodo ipsum dispositum viderent ad id, quo teneretur, adimplendum. Itaque propria etiam confessione capti erant, et convicti, sibi nullam causam justam fuisse ad denegandam obedientiam Gregorio Papae, et nequi- dem jus coloratum concilii indicendi habuisse. Cum vero extra controversiam omnem esset, solum Papam habere jus generalis concilii convocandi, et instituendi, iidem Cardinales, ut sibi prospicerent adversum hoc, dicebant, id esse omnino verum, sed de Papa indubitato. Quos etiam in hoc Conradus refellit. Ipsos enim in

li-