Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c
6 Instit. Hist. Eccles. Pars III. • 2. He Gotteschalco. Ejus sententia de Praedestinatione , et turbae ob eam. An in hac error ipsius aliquis fuerit adversus Orthodoxam fidem. Gotteschalcus Saxo, Berni Comitis filius, jam inde a pueritia monachis monasterii Fuldensis oblatus, et ab his educatus, in literisque, et scientiis institutus, factus monachus erat sub Kabano Mauro Abbate. Sed hujus deinde disciplinam duriorem pertaesus, apud Otgarium Episcopum Mo- guntinum egit, ut votis monasticis solveretur, cum testatus esset , se ista nuncupasse contra suam voluntatem coactu parentum, idque obtinuit. Nec tamen dimisit vitae monasticae institutum, tantumque monasterium mutavit e Fulden- si ad Orbacense transiens monasterium. Hic sub Bavone Abbate legendis Sanctis Patribus se totum impendit praesertim S. Augustino, et S. Fulgen- tio, hujus etiam assumpto nomine. Postea Romani peregrinationem instituit, unde ad Eberardum Comitem Forojuliensem venit, et apud hunc commoratus est. Ex Patrum lectione cum sibi doctrinam, et eruditionem, sua opinione fortasse majorem , quam reipsa esset, comparasset, excitabat ubique disputationes ad se se ostentandum. Cum praesente etiam Notingo Veronensi Episcopo (hunc aliqui Brixiensem, aliqui Vercellensem Episcopum dicitnt) hoc fecisset, asseruit, et defendit inter disputandum geminam praedestinationem, aliorum ad vitam aeternam, aliorum ad interitum, et poenas aeternas. Quae assertio cum Notin- gi , pluriumque aliorum, qui aderant , offendisset aures^, Notingus rem perscripsit Rabano, qui inte-
