Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

í- 8.

Reliquae Europae regiones.

Ab Norico Orientem versus usque Moesiam inter Danubium, ad Septemtrionem, et fluvium Savum ad Meridiem jacet regio, quae vetus fuit Pannonia. Dividebatur in superiorem, et inferiorem, quarum prior etiam prima, posterior secunda Pannonia appellabatur. Illa ad Occidentem, baec ad Ortum spectabat. Superior comprehendit partem Austriae, Stiriae, Carinthiae, et Car- nioliae citra montem Cetium, Hungáriáé partem Transdanubianae usque ad fluvium Arrabonem, quo nomine antiquitus etiam Jaurinum fuit appellatum nec non partem maximam Croatjae. Pari^. nonia inferior ab Arrabone ulterius ex eadem parte Danubii complexa est , omne hoc, quod nunc habet Hungária cum Slavonia, Bosnia, et parte Serviae. Haec inferior, et secunda Pannonia fuit appellata etiam Interamnensis, Bipensis Pannonia, nec non Savia, et Valeria. Hungáriáé ea pars, quae a Danubio in adversam partem spectat, a Jazygibus Metán as t is tenebatur. Totius Pannoniae ex superiore parte Flaviana, seu Vienna limes fuit, ex inferiore parte Taurunum, alio nomine Alba Graeca, quod nunc Belgradum vocatur.

Infra Pannoniam meridiem versus est Illyricum , Illyris, etiam, et Illyria dicta in Ora maris Adriatic!, ex adverso Italiae. Illyricum jam latius sumitur a Scriptoribus comprehendendo simul Pannoniam, jam strictius pro regione, quae proprie fuit Illyricum. Divisum fuit in partes duas, quarum altera Liburniam cum Japidia continebat,

alteGeographia. 7 7