Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a
48 Prolegomena considerationem. Versio Septuaginta Interpretum discrepat in annis Patriarcharum, e quibus computatis summa conficitur annorum Mundi usque ad Christi natalem, ab Hebraeo textu, et a Versioné Latina Vulgata, utpote quae textui adhaeret Hebraeo : tam autem hinc, quam a Versioné etiam Septuaginta dissentit Codex Samaritanus. Textui Hebraeo esse deferendum praeVersione Septuaginta, et esse Patriarcharum annos omnino solares, et ejus longitudinis, quam sol efficit suo motu annuo, de quo pariter disceptatio jam olim fuit , et nunc adhuc a quibusdam dubitatur, est actum jam, et demonstratum a me in Institut. Herrn. Vet. Test. Edit. 2. Tom. I. Cap. 32. Codex Samaritanus, ne eam quidem, quam Versio Septuaginta attentionem meretur in hac annorum numeratione. Nam ubi in Versioné Septuag. facta fuisset in annis mutatio (per quos, et qua de causa ostendi in loco citato mearum Institutionum Herme- nevticarum ) facile est assequi, licentiae exemplo, quod datum est in Versioné Septuaginta, eos quoque esse inductos ad annorum mutationem faciendam in annis Patriarcharum , qui hanc fecerunt in Codice Samaritano. Siquidem anni a creatione mundi cum omni accuratione numerati non sint, nec numerari possint, adeoque neque certum omnimode possit esse, in quem annum mundi inciderit reapse annus natalis Christi; nulla tamen ambiguitas est quoad eos annos, qui a Christi natali numerantur ad hoc usque tempus. Quamobrem idem dies Christi natalis, ubi incipit Hira Christiana, non tantum fixum punctum est, unde numeratio fiat annorum sequentium; verum etiam per quod fieri possit determinatio, res, quae refertur acta ante Hiram Chri-
