Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a

DE ORIG, SED1VM PATRIARCH. ET METROP. 55

per seipsum , vel per Vicarios suos , qualem ex Ep ist- 4. S. Leonis M. ad Anastasium Thesaloni- censem innotescit, fuisse eidem Leoni eumdem hunc Anastasium in Illyrico , ex Epist. 1. Simpli- cii Papae a. 482* eidem Simplicio in Hispania Episcopum Hispalensem, in Gallia S. Remigium Epi- csopum Rhemensem, ut perhibet Flodoardus lib. 1. Hist. c. 15* et Cointius in Annalib. dioeceses ceterae praeter Aegypti, et Orientis, gubernaban- tur quidem etiam per Episcopos , qui toti alicui dioecesi praeessent, sed qui tamen tantum inter Metropolitas numerarentur, neque nomine differrent ab iis Episcopis, qui in civitatibus erant constituti , quae unius provinciae erant metropoles. Horum Metropolitanorum habentium sub se dioe- cesim, eadem erant jura, quae Alexandrini, et Antiocheni Patriarchae , videlicet, consecrare Episcopos vel per seipsos, vel Episcopo in metropoli provinciae constituto suum consensum tribuendo ad Episcopum consecrandum in sua provincia , Episcopos convocare suae dioecesis ad concilium, hisque praesidere, recipere, et dijudicare causas ex provinciis suae dioecesis ad se per appellationem delatas, deque ipsis etiam Episcopis suae dioeceseos exercere judicium, atque in hos ipsa etiam depositionis poena ex dignita- te animadvertere. Quod ex Concilii Nicaeni I. can. 4* et 6. Concilii Sardicensis can. ?. Chalce- donensis can. Q. manifestum fit.

Metropolitae dicti sunt etiam Primates, et Exarchi: quae altera appellatio communis aliquando fuit etiam Patriarchis : sed hi dioecesium erant Exarchi, illi provinciarum. Exarchus ducem , principem in lingva Graeca significat: unde neque distat appellatio Archiepiscopi, quod nomen Principem Episcoporum significat , pari- terque commune fuit omnibus Episcopis in quovis