Sztrecsko, J. Georgio: Theologia dogmatico moralis (Pestini, 1816)-634
*48 Sectio V. a) Munit enim animum contra terrores mortis, quae tamen inevitabilis est, et contra metum rerum futurarum. Ratio : Lactat enim nos dulcissima spe beatae immortalitatis , arctissimae unionis cum Deo, cum Christo, cum beatis mentibus. Adeoque pius et sanctus horam mortis suae non reformidat , ceu tempus interitus sui plenarii, sed eam placido exspectat animo, tamquam transitum ad vitam meliorem, tamquam aditum ad fructum plenissimae, per- fectissimaeque felicitatis: b) Eadem pietas animum nostrum iam in hoc orbe magis magisque ad sensum gaudiorum spiritualium praeparat, aptioremque reddit: dum eum indies metae destinationis suae ac perfectionis admovet propius. Sed de hac spe, de his gaudiis proxime. Admorutio ad iuuenes. Liceat mihi Vos in primis, iuvenes amantissimi, adhuc affari. Obsecro, obtestorque Vos, per Deum , creatorem vestrum, per innatum illud nobis desiderium vitae perennis et beatitudinis , per ius illud vestrum ad fructum felicitatis, quod servatori vestro debetis, per hunc ipsum reparatorem salutis vestrae: eiicite ex animo vestro vanam illam et damnosam opinionem , quae clam pectoribus Vestris inhaeret, quasi studium verae pietatis, negotium sit maturioris aetatis , quasi virili, fir- rniorique aetate convenientius faciliusque sit opus, quasi haec cura emendationis nostrae nonnisi extremo vitae tempore et adpropinquante morte suscipienda sit. Absit, primus ac praecipuus hic labor , prima nostra cura sit oportet, ut sancti, ut probi, ut utiles , ut humani generis amantes, ut veritatis spientiaeque verae studiosi, adeoque omnibus bonis cari evadamus.
