Szaniszló Ferenc: Doctrina religionis christiano-catholicae quam in usum academicae juventutis. Tomus 1. Partem generalem complectens (Pestini, 1836) - 23.298
XI rum Vobis pateant. Ut autem essent quasi stadia quaedam, in quibus vel memoria requiescere, vel adtentio magis figi posset, ideo multas feci divisiones operis: in Sectiones, Capita, et paragraphs, quin etiam hos in minores partes literis vel numeris signatas distinxi, et paragra- phorum illa verba, in quibus divisionis fundamentum vel argumenti gravitas continetur, aliis literis imprimenda curavi. Demum in fine libri totam Partem Generalem, juxta paragraphorum numeros, in quaestionibus proposui non solum memoriae facilitandae, sed etiam judicii vestri acuendi causa, ut, perlecto prius semper paragraph© , cum ipsis Vobis in examen condescendatis , et per quaestiones ibi positas materiam in paragrapho explanatam omni sub respectu exagitantes , eandem recte intelligere et propriis verbis exprimere consvescatis. Haec adtingenda censui; ne quis vestrum utilitates illas, quas Vobis consulto paravi, vel penitusnegligat, vel in suos usus non sat apte convertat. Demum, agite ; ut Doctrinam Religionis, quam tractandam suscipitis, ita judicii vestri rem faciatis, ut eadem simul etiam cordis vestri pretiosissimus thesaurus evadat, etsi in ullo alio, in hoc certe studii genere nolite sterili solum et arida scientia, qualis etiam ab improbis comparatur, esse contenti; verum animo diligenter revolventes illud S. Augustini dictum: „Errat, inquit, quisquis putat veritatem se posse cognoscere, quum adhuc nequiter vivat;“ cui etiam Scriptura consentit, dicens: „In malevolam animam non introibit Sapientia;“ haec animo revol-
