Krammer Ferenc: Fragmentum quintum historico-dogmaticum de neoterica religionis et Ecclesiae catholicitate ... ex traditione originali (Posonii, 1825) - 23.280

ipsi, doctrinarum puritatem per tria circiter saecula o- mnium maximam fuisse; — postea primum coepisse corruptiones , easque omnes ad exitum quinti saeculi usque fuisse consummatas. — Congruere judicium hoc susceptae infelici reformationi, palam inde fit, quod omnia, quae velut corrupta per reformationem mutata sunt, reformatores ipsi, jam in saeculi tertii exitu, jam saeculis quarto, et quinto reperiri narrent. •— Ad horum certe saeculorum Patres pertinet illud Lutheri: audiendos non esse. — Quae postea iisdem narrantibus accesserunt, pariter reprehensa, ad privata hominum vitia, corruptionem vitae. et superstitiones pertinent, mala, temporum infelicitati tribuenda , atque extra ambitum doctrinarum Ecclesiae, de quibus unice quaestio est, posita. — Atqui tantum abest, ut hoc adversariorum judicium nexui illi congruat, ut im~ mo manifeste discordet: nunquam enim angustior, atque inde a principio usque secundi saeculi et ultra exitum, fuit Scripturae Sacrae usus, ipsa peritorum protestantium confessione; siquidem constet, singulos libros sacros, per Ecclesias singulas dispersos, diu in singularum illarum Ecclesiarum sinu haesisse, — Ecclesias permultas, ad quas scribendi nulla initio seu occasio, seu necessitas fuit, diu omni scriptura caruisse, — et praehabitorum hic atque alibi sacrorum librorum ad Ecclesias alias, remotiores praesertim, propagationem, oppido lentam, sed et tam typi, quam mandati eatenus defectu, puhlicaeque in Christianam rem hostilitatis causa, perdifficilem fuisse, ut alias restricti tunc usus scripturae causas praeteream. — E contra certum est, inde a saeculi tertii quasi medio velut inito consilio laborari in amplificando librorum sacrorum usu coeptum esse. — Ab hoc tempore singularem Ministrorum sacrorum emicuisse curam, et sedulitatem m libris sacris undique colligendis, — a subtrusorum librorum foece diligenter segregandis, •— late ad omnes, quoad fieri poterat, Ecclesias propagandis, — per arduas descriptiones multiplicandis, — adversus Corruptores, tum quidem haud paucos, vindicandis, •— pergraves receptae, communique fidei conformes commentarios illustrandis, — et fidelibus, ut diligenter legerent, continuo et graviter