Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
258 n8), quam censuram anno insequenti solemni forma renovavit118 1I9). Post longam tandem moram Fridericut in Orientem delatus est, sed, quoniam negotia non conforraiter ad raenlem Pontificis ageret, Pontifex non tantum reconciliatus ei non est, verum potius ulteriores ei movit difficultates. Ita Patriarcham Hierosolymitanum, Templarios , cetcrosque cruciatos in terra sancta morantes ab adjutorio Friderici velut e gremio Ecclesiae exclusi inhibuit; literas ad principes Germaniae in comitiis congregatos dedit, ne aliquis e familia Friderici imperio praeficeretur; Mediolanensibus aliisque Friderico hostibus patrocinium praestitit; copias in Apuliam deputavit, et ditiones imperatoris occupavit; milites denique cruce signatos e Lombardia, et Apulia in Orientem trajicere volentes omni conatu impedivit 120J. Ceterum Fridericus propitio Marte in Oriente pugnans continuo progressus est; audito tamen eo, quod milites Pontificii Apuliam occupaverint, belli cursum interrumpere constituit. Quare inducias in 10 annos cum Sultano Babyloniae conficiens velut triumphans Jerosolymam ingressus nemine ipsi obviam veniente; cumque nullus esset, qui divinis operari auderet, solus sibi in templo sepulcbri Domini coronam regni Hierosolymitani adposuit, nullo e clericis ob interdictum a Patriarcha civitati impositum praesente. Postea nemine salutato, et a nullo salutatus in insulam Cypri transfretans Italiam repetiit. Reduci Friderico Gregorius IX. novitus censuram inflixit, subditos a juramento fidelitatis absolvit i et principes ad sacrum bellum ipsi indicendum disposuit. Sed mox revindicatis in Apulia omnibus, a Pontifice intra tempus absentiae illius occupatis, Pontifici opera principum reconciliatus absolutionem ab excommunicatione anno 1230. impetravit sub his conditionibus: ut 1) mandatis Apostolicis deinceps obedientiara praestet. 2) Canonicas Capitulorum electiones liberas permittat, 3) Ecclesiae libertatem restituat, et damna Ecclesiae illata reparet. 4) Belli omnes sumtus refundat. His coram legatis, Sedis Romanae jurejurando firmatis in Ecclesiae sinum receptus est ,21). At vix fructibus pacis fruebatur imperium, cum 118) Kaynaldi Annales ad an. 1227. Matthaei Paris, hist. maj. an ad. 1227. p. 294. Gregorii epist. 2. 3. in Mansi concil. T. XXIII. p. 44. et seq. 119) Raynaldus ad an. 1228, §. 2. 120) Idem Raynald. ad an. 1229. §. 37. Platina in vita ejued. Pontificis. 121) Pacis hujus conditiones ex auctoribus coaevis refert Muratorius in Geschichte von Italien T. VII. p. 478.
