Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
184 iter maritimum versus Europam ingressus, lares patrios repetiit* Verum Christiaui post Friderici Itcgis abitum non diu terram Sanctam retinuerunt Nam incolae Chorosanae ^Charizim} a Mo- golis stragem passi, et patria exclusi ad Asiam interiorem delati suggerente Aegypti Sultano Saleh anno 1244. Civitatem Sion adgressi, eaque expugnata in Tureas, Christianos, et Judaeos promiscue saevieruut, templisque spoliatis ipsum sepul- chrum Domiui funditus everterunt. Vid. Scriptores expeditionum cruc. et vitae, gestorumque Friderici II. nec non Murat oriam in annal. Italiae. Ii f §. 14. - i ! Expeditiones ultimae a Ludovico IX. Galliae rege. Post infaustos rerum Christianarum in 0riente|exitus expeditiones duas Ludovicus IX. rex Galliae suscepit, quo votum in lethali morbo nuncupatum exolveret. Primo initium anno 1248 fecit saltem, cum antea negotiorum domesticorum cura detineretur. His igitur in ordinem redactis crucis insigne ab episcopo Parisiensi accipiens una cum conjugo Margaretha et tribus fratribus, nec non magno procerum numero iter ad Orientem ingressus est, regni cura matri suae Blancae relicta. Transacto autumno et hyemc in insula Cypro, classem tandem suam in Aegyptum promovit, et capta levi negotio anno 1249. circa Pentecosten celebri urbe Damiata, inde mense Novembri ultro progressus, negotia sua prospera agens Cairum invadere cupit sed lue pestifera inter milites grassente, exercitus illius ab hostibus undique cinctus, ac caesus est, ipso una cum duobus fratribus in Saracenorum captivitatem anno 1250. devenieute ita ut se suosque inde non aliter quam restitutione Dumiatae, soluto ingenti lytro ac decem annorum iudaciis redimere valuerit. Rex tamen ad sustentandas Christianorum res porro quoque in Oriente moratus, donec cognita matris morte anno 1254. in Galliam reversus fuisset 74). 74) Joinville vie dc Louis j>, 81. el se<|.
