Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
175 Bouillon heroicum animum superatis, post exantlatos immensos labores , et aerumnas cum exercitu viribus utcunque fracto Hie- rosolymae adpropingvat, Urbis Sion moenia arcte cingit, ac evoluto quinque hebdomadum intervallo eam anno 1099. assultu capit, luctu, et pavore omnes occupante, terra utriusquepartis sangvine non parum madente. Dilapsi omnes ad partes Muham- medani asylo carebant; cum eos ad quaecunque recondita loca confugientes crucigeri exquirerent, ac ex ipsis templis, altaribus aliisque occultissimis locis stricto gladio extraherent. Centum fere hominum millia victoria haec absorpsit, totidem in servitutem redactis. Sangvinolento hoc eventu vix terminato , milites arma ponunt, vindictae furore iu pietatem verso , tepidum de caede cruorem abstergunt, et aperto capite, nudis pedibus, hymnisque pie sonantibus sepulcrum Domini invisunt, omnium delictorum veniam corde contrito implorantes, Octiduo precibus et laetitiae indultum. Hoc elapso principes unanimi consensu Godofredum Bouillon in regem proclamant, qui regis onera assumens regio tamen titulo, et aurea corona uti recusavit illo in loco, ubi Coeli terraeque Dominus spineam portaverat coronam 59) At regnum parvum vel ideo non multum prosperare potuit, quod reliqui cruciatorum duces ad proprios principatus armis vindicatos discesserint, rexque Godofredus exiguo remanente exercitu munitus vix securitatem urbi procurare, nedum regnum firmum reddere aut ampliare potuerit. Mortuo anno 1100. die 18. Julii Godofedo frater ejus Balduinus I. Edessae princeps in parvo et fere tantum ex viginti oppidis et arcibus praeter Jerusalem, et Joppe, constante regno successit ; qui parvo huic regno mox Caesaream, Sidonem, Berytum, et terras trans Jordanem sitas adjecit. Huic successit anno 1118. Balduinus II. quem in regno excepit anno 1131. Fulco Comes Andegavensis. Hi omnes licet nullum adjutorium aliunde acceperint, regnum tamen egregie tuiti sunt usque ad annum li42. 59) Wilhelm. Tyr. L, VIII. 21.-Gesta Francor. eped. Ilieros. p. 5GG. ct alibi. Anonymi narratio de captione Hierosalem. an. 1099. in Ughelli Italia Sacra X. 91. seq. Jos. de Guignes Hist, gen. des Huns, etc. p. 297. et seq. E. A. Spalding Gesch. des christl. Königreichs Jerusalem Berl. 1803. II. 8.
