Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
157 mali quid patraret, Dei primum, tum vindictam suam incursurum esse. 6) Quicunque sacris addictum, aut etiam profanum hominem occidisset, peccatum more veteri expiaret, omnes demum a caedibus, latrociniis, ac ceteris injuriis, et vi abstinerent. 7) Qui vero constitutionem hanc contemneret, et animo ei reluctaretur, capitis, et omnium rerum jacturam incurreret. Magnam omnino morum in gente tota conversionem claris argumentis evincit, quod Andreas abbatiam ord. S. Benedicti de Tihany, et ecclesiam S. Mariae, et S. Aniano episcopo sacram pro sua, et familiae suae salute erexerit, ubi etiam sepul- tus est. Huc accedit, quod Andreas cum consensu episcoporum trium dierum pervigilium ante Festum SS. Apostolorum Petri et Pauli instituerit, ut nempe quod sacrilega temeritate in Ecclesiam Christi peccaverat, subditorum quoque poenitudine, et jejunio palam elueret. Rado denique Palatinus cum licentia regis, partem possessionis suae S. Petro Quinque Ecclesiensi ordinavit , et Maurum ejusdem loci episcopum in patrem spiritualem adoptavit. Monasterium S. Demetrii supra Savum fluvium a se erectum , totamqu» ditionem bellicis invasionibus ablatam revindicavit, sacrae coronae Hungáriáé restituit, et temporale dominium, seu jus patronatus quod ibidem habebat, pariter S. Petro Quinque Ecclesiensi (Ecclesiae Cathedrali) et patri suo episcopo Mauro contulit; hic denique sepeliri, et post mortem sui, et uxoris 6uae huciae mem.-riam in precibus fieri voluit. Vid, Caroli Peterßy Concil. Eccles. Hung. P. I. p. 11—14.
