Cherrier Miklós János: Institutiones Historiae Ecclesiasticae. Tom.2. (Pestini, 1840) - 21.951b
43 §. 16. Persecutio Juliana. Gravius rei Christianae vulnus inflixit Julianus apostata Julii Constantis filius, qui anno 361. mortuis Camtantiui M. filiis, solus rerum potitus, odium, quod aliquamdiu occultaverat, erga Religionem Christianam publice prodidit. Nam licet in Religione Christiana educatus fuerit, ei tamen rursus rcnunciavit partim odio erga Constantium patruum suum , qui ipsum et fratrem ejus Gallum clero adseripserat, ut eos ex imperio removeret, partira nimio erga Philosophos Ethnicos Maximum , Jamblicum, et Libanium amore seductus 8). Violenta media quidem non adhibuit, probe gnarus, persecutiones veteres, quo crudeliores erant, eo magis Religionem Christianam propagasse; verum arte et consilio rem Christianam impediebat. Primis nempe imperii sui initiis eo siatim conatus suos convertit, ut vacua et frigida gentilismi principia ueoplatonismi formis renovaret, et antiquam religionem popularem una cum pristina puritate et splendore instauraret, sicque idololatriam plerumque jam exstirpatam reveheret 9 * II)). Quod, ut eo securius consequeretur, idolorum cultum restitutis templis et sacrificiis praecepit, ipseque solus sacrificia in palatio et horto suo otferens, exemplum praebuit eorum, quae a populo exigeret ,0). Postquam sacerdotibus ethnicis proventus, privilegia, honores, ao dignitates restituisset, Christianos, quos ex contemptu Gulilaeos vocabat, adeo pressit, ut cunctas leges a Constantino M, in emolumentum clericorum, viduarum, et virginum conditas abrogaverit; eis forum aut judicia frequentare prohibuit, omnia officia et magistratus interdixit, ac plane a discendis aut docendis literis humanioribus removit, ut Religio Christiana oratoribus aliisque doctis viris sensim destituta, contra gentilismum inermis redderetur n). Ut vero etiam argumenta ad speciem Christianos plectendi reperiret, statuam suam inter simulacra idolorum poni praecepit, ut cis vel 8) Mosheim Instit. I list. Eccl. p. 132. et scq. 9) Sozoiu. H. E. L. V. c. 3. Atilianus Marcellin. Hist. L. XX. c. 5. 7. Cramer in Hossuet, Geschichte. Fortsetz. II. p, 404. 10) Sozomenus L. V. c. 15. et 16* II) Socrates H. E. L. III. 2. I, II. Theodoretus H. E. L, III. c. 7. So to men H. E, L. V. 15. 16.
