Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
268 tiones ejus in censum veritatum referat, et nubem pro Junone amplectatur. Prodiit memoratum opus Rotterodami a. 1706. Tomis 3 in f. Seculo 18vo: Jo annes Alphonsus Turrettinus Minister verbi Dei, et Theologiae ac Historiae Ecclesiasticae Professor Genevae scripsit Compendium Historiae Ecclesiasticae a Christo nato usque ad a. 1700. emendatius et auctius cum continuatione editum a Joan. Simonis—inter opera Turrettini T. 3tio in 4. Leovardiae et Franeque- rae ab a. 1774— 1776. Ceterum Turrettinus potius polemicus, quam Historicus, dicendus est. Hermannus Venema Theologus Belga scripsit Institutiones Historiae Ecclesiae V. et N. Testamenti. Lugduni Batavorum et Leovardiae a. 1777 — 1783. Tomi 7. in 4. 16 secula complectitur. Auctor ex fontibus hausit, et multa nova et sibi propria habet. Paulus Ernestus Jablonski Professor Theologiae in Academia Yiadrina scripsit Institutiones Historiae Christianae. Editio 3tia prodiit Francofurti ad Viadrum ab a. 1783—1786. Tomis 3 in 8. In duobus prioribus Tomis per Ernestum Augustum Schulze Professorem Theologiae in Academia Yiadrina emendatis et auctis Historia procedit usque ad seculum I8vum; 3tium Tomum, seu Historiam seculi 18vi adjecit Eberh. Henr. Dan. Stosch Professor Theologiae aeque in Academia Viadrina, quem Tomum rursus emendavit, auxit, et continuavit Abrah. Phil. God. Schickedanz Professor Theologiae et Gymnasii Anhaltinorum Academici Rector. Memoratum Jablenskii opus delectu rerum , et modo proponendi se commendat.
