Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
243 Abraham Bzovius Dominicantis Polonus. V. Aubert. Miraeus De Scriptoribus secuti 17mi c. 161. Annales Baronii ab a. 1198 usque a. 1572. perduxit. Verum fabulosus auctor potius panegyrim sui Ordinis, quam Historiam Ecclesiae, scribit. Coram me Abrahami Bzovii editio est, quae Coloniae Agrippinae ab a. 1621 —1641 in Tomis 8. in f. prodivit, seu Annalium Ecclesiasticorum Baronii Tomus 13tius — 20mus usque a. 1565. Henricus Spondanus Gallus Episcopus Ap- pamiensis Annales Baronii ab a. 1198 usque a. 1616 inclusive prosecutus est sub titulo : Atinatium Ecclesiasticorum Eminentiss. Cardinalis Caesaris Baronii continuatio — Lugduni a. 1678. Tomi 3. in f. Inter omnes Baronii Continuatores judicio se maxime commendat. Attamen fabulas etiam in ilio deprehendes. Nec in faciendo rerum delectu satis felix est. Cum autem Baronius, ut dictum est, naevis haud careret, Antonius Pagius Ord. Minorum Conventualium Annalibus ejus corrigendis manum admovit, cujus Critica Historico- Chronologica in Annales Ecclesiasticos Baronii lectoribus Baronii nunquam satis commendari potest. Antonio Pagio vivente ex Critica ejus tantum unus Tomus prodiit. Reliquos autem tres Tomos posthumos Franciscus Pagius nepos ejus, aeque Ord. Min. Conv. edidit. Epist. Dedicat. Ima Franc. Pagii initio Tomi Imi edit. Antverp. a. 1727. Ceterum Antonio Pagio vitio vertitur, quod in rebus minoris momenti explicandis nimium desudet. Editio novissima hujus operis a Francisco Pagio emendata et aucta prodiit Antverpiae et Coloniae Allobrogum a. 1727. in Tomis 4. in f. Sed et impu- gnatores nactus est Baronius, nimirum:
