Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

traditione probari debent, hanc autem Historia Ecclesiastica suppeditat, cum ostendit, quid semper, ubique et ab omnibus creditum sit.

2) Theologia Dogmatica saepe sua ex Conciliis et Patribus desumit, jam autem Historia Ecclesiastica docet, quid Ecclesia in Conciliis occasione haeresum definiverit, et sua lumina offert, ut Patres recte intelligantur; Patres enim obscuri manebunt, nisi sciamus eorum biographiam , patriam, studia, philosophiam, adjuncta, occasionem, scopum scribendi, aetatem, qua aliquis Pater scripsit, an nempe junior, vel senior, an nata jam controversia, an lata ab Ecdcsia definitione, an non retractaverit; denique haeresibus cognitis Patres, qui contra illas scripserunt, magis intelligun- tur ; haec autem omnia ex Historia Ecclesiastica hauriuntur.

3) Theologia Dogmatica debet refutare liaercses , ad hoc autem oportet scire haeresum natales, causas, argumenta, quis error praecipuus et principalis, a quo alii promanabant, fuerit, quibus coloribus haeretici figmenta sua illiniverint, quae studia et vitae ratio sectariorum fuerit , quomodo a primaevis placitis suis pedetentim recesserint, et in doctrina perpetuo variaverint; primus ad victoriam passus est, inimicum, quocum manus conserendae sunt, noscere a) et haereses ad originem reduxisse , refutasse est. ] !aec omnia rursus ex Historia Ecclesiastica desumuntur. Dein sectarii dicunt, ad Religionem Christianam progressu temporis a Catholicis multa, quae a placitis Jesu Christi prorsus aliena, imo iis repugnantia sunt, addita, adeoque haec omnia a vera Jesu Christi Religione resecanda esse. His Theologia Dogmatica ex Historia Ecclesiastica respon-