Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

13b

mense semper constans est, hinc eadem perpetuo Litera singulis mensium diebus adfixa manet, anno autem bissextili, quo Februarius uno die augetur, 24ta et 25ta Februarii Litera F bis posita signatur, adeoque ordo Literarum de cetero non turbatur , uti supra dictum est. Igitur sic procedendum est:

1) inveniri debet Litera Dominicalis juxta methodum supra dictam. 2) attendi debet Ima dies mensis, in quo data dies continetur, qualem scilicet Literam sibi adiixam habeat. Sic Ima Januarii semper habet Literam A, Ima Februarii Literam D etc. secundum primas Literas horum versiculorum:

Astra, Dabit, Dominus, Gratisque, Beabit, Egenos, Jan. Febr. Mart. April. Maj. Jun. Gratia, Ckristicolae, Feret, Aurea, Dona, Fideli, Jul. Aug. Sept. Octob. Nov♦ Dec.

3) resciri debet, in quotam diem mensis, in quo dies in quaestione posita continetur, Ima ejusdem mensis dies Dominica cadat, jam, si dies in quaestione posita hanc diem Dominicam praecedit, inde a Ima mensis die Literaque ei adfixa numeratio instituatur, et quaesita dies invenietur, si autem dies in quaestione posita memoratam diem Dominicam sequitur, dies mensis ante eandem diem Dominicam exclusive abjiciantur, reliquae autem dies inde ab hac die Dominica inclusive numerentur, et sic quaesita dies reperietur, si autem dies ab illa die Dominica usque ad quaesitam diem plures sint, quam 7,7 abjiciantur, quamdiu abjici possunt, seu numerus dierum ab illa die Dominica usque ad quaesitam diem per 7 dividatur , dein residuum numeretur , et quaesita dies habebitur.