Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
134 et novis in eo mensium nominibus ad Scriptores Gallos, qui iis utebantur, intelligendos , v. Sinlcit. jur Sdtfunfce. JperauSg. von Vega 1. c. Hodie igitur in Europa tantum Russi et Graeci adhuc retinent Calendarium Julianum, seu stylum veterem. §• 39. Cycli. Cyclus, a graeco v.w.loe, circulus, est circulus , seu certus numerus annorum in orbem redeuntium, quo veluti charactere quodam tempora distinguuntur. Cycli alii sunt simplices , alii compositi, qui nempe ex cyclis simplicibus constant. Cycli simplices sunt tres, nempe solis, lunae , et Indictionis , cycli compositi , seu Periodi celebriores sunt duae , nempe Victoriana , et Juliana, a) a) Cycli primum excogitati fuerunt ad annum lunarem cum solari exaequandum, sicut ex dictis constat. Usum cyclorum , etiam anno solari invecto , Christiani ad Pascha determinandum retinuerunt. Tali cyclo evoluto totum id , quod iu illo est, eodem ordine redit. §• 30. Cyclus solis. Cyclus solis est spatium 28 annorum, quibus evolutis septem Literae Dominicales ad initium suum redeunt, et rursus eadem serie recurrunt. Cyclus solis vocatur etiam ipse numerus exprimens unum annum ex serie dictorum 28 annorum. Porro cyclus solis sic appellatur ab anno solari, qui ejus fundamentum constituit, vel a prima hebdomadis die , nempe die solis, seu die Dominica, cujus characterem , seu Literam Dominicalem , ostendit. Jam inde ab antiquissimis temporibus dies hebdomadarum primis septem alphabeti Literis desi-
