Krammer Ferenc: Fragmentum quartum historicum, ad praecedentia fragmenta de neoteica religionis et ecclesiae catholicitate subsidiarium (Posonii, 1824) - 11.164d

(f /'i, Hr

0 Timothee! depositum custodi, devitans profanas vocum novitates, et oppositiones falsi nominis scientiae, quam quidam promittentes, circa fidem exciderunt. 1. Tim. b. 20. et 21.

Quid est hodie Timotheus ? nisi vel generaliter universa Ecclesia , vel specialiter totum corpus praepositorum , qui integram Divini cultus scientiam vel habere ipsi debent, vel aliis infundere. — 0uid est: depositam custodi? custodi, inquit, propter fures, propter inimicos> ne, dormientibus hominibus, superseminent zizania super illud tritici bonum semen, quod seminaverat filius hominis in agro suo. Depositum custodi, inquit. Quid est: depositum ? id est, quod tibi creditum est, non , quod a te inventum ; quod accepisti, non, quod excogitasti; rem non ingenii, sed doctrinae ; non usurpationis privatae, sed publicae traditionis ; rem a.d te perductam, non a te productam ; in qua non author esse debes , sed custos; non institutor , sed sectator; non ducens , sed sequens• Depositum , inquit, custodi, id est, Catholicae fidei talentum inviolatum , illibatumque conserva. (Vincent. Liri«, commonit. 1.)