Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
Contra, si donatio de manibus regiis fiebat, ea Nova donatio dicebatur, quasi repetita collatio ejusdem juris possessionarii. Talis est donatio Sigis- mundi Regis in Corp. Jur. contenta, et tales erant donationes, quas Werboczius commemorat I, 37. S. 6. Tardius illi etiam, qui privilegia sua, i. e. lite- iras acquisitionis, fato amiserant, legibus suffragantibus a) , literas novae donationis impetrabant; nempe fictione juris bona talia quasi ad S. Coronam devoluta, (vel eidem oblata), et quasi de manibus regiis iterum obtenta considerabantur. Attamen in taxa Cancellariae veram Novam donationem et literas Novae donationis lex ipsa diserte ac sollicite distinguit b). Sed subinde vera Novae donationis significatio exolevit; et hodie Nova donatio quasi repetita ejusdem juris possessionarii, et eidem familiae facta, donatio dicitur, sive: collatio juris possessionarii, per familiam impetrantis jam prius pacifice possessi. Et omnis alia collatio juris S. Coronae simpliciter Donatio adpellatur. Nihilominus differentia illa, utrum ex Fisci, an ex privati manibus impetratio facta sit, non minor hodie perdurat, quam olim exstiterit, adeo, ut in explicanda theoria Donationis ordo ac perspicuitas tantum distinctionem illam sequendo possit obtineri. 2. Consensus regius, in privata bonorum translatione impetrandus, Donatio quidem vocari non solet; idem tamen Donationis indolem, ac efficientiam habet. ........ 84 ........ a) 1464, to. 1492, 78. 1514, 53. 1545,38. 1715, 70. 1741, 19. b) 1609, 73. pr. et §. i.
