Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
....... 130 ...... possent auferre rem a se in feudum datam". — Serius beneficia liaereditaria facta sunt, et feuda adpellata; atque ipsa fidelitatis obligatio, personalis antea, in realem, feudo adhaerentem, commutata est. Discrimine tamen inter allodia , et feuda continuato; nam vasalli tantum utile dominium consecuti sunt, directum dominis retinentibus. — Exemplo vero militum, illi etiam, qui varia obsequia in aula Principis peragebant, et pariter pro salariis beneficia habebant, successionem haereditariam partim impetrarunt, partim usurpaverunt. —- Ita beneficiis omnibus sensim in feuda mutatis, ad extremum praerogativae quoque, quibus militare servitium eminebat, cum aulicis (ministerialibus) communicatae sunt. — In Hungária servientium, militum, fidelium, jóbágionum adpellationes in usum venerunt ; successionemque in bonis donatis S. Stephanus „consentiens petitioni totius senatus” filiis concessit; quam subinde Colomanus extendit. Neque illud praetereundum est, circa idem tempus, anno 1037, Con- radum II. in Italia vasallis suis in beneficiis militaribus jus haereditarium fuisse elargitum. III. Mirari licet, iis, qui ad feudorum normas jura nostra possessionaria referebant, nullam bonorum distinctionem occurrisse ; quando tamen nec alibi omnia bona feudali jure possidentur. Nonne jam citata lex S. Stephani discrimen ponit inter propria et dona regis? Plura exempla mox adferam. Hujus autem legis interpretatio difficultatibus non caret; diversaeque jam idcirca opiniones prolatae sunt. Textus ita est: ,,Consensimus igitur petitioni totius Senatus , ut unusquisque dominetur propriorum, similiter
