Bajzik János Keresztély: Compendium Corporis Juris Canonici, exhibens summam canonum, constitutionum, et decretorum modernis temporum circumstantiis accomodatam (Pestini, 1836) - 10.057

homicidas arbitramur, quos adversus excom- municatos zelo catholicae Matris ardentes, aliquos eorum trucidasse contigerit. Ne tamen disciplina matris Ecclesiae deseratur, poenitentiam eis indicito congruentem. Can. 47. Caus. 23. Quaest. 5.

Cur ergo non cogeret Ecclesia perditos filios, ut redirent, si perditi filii coegerunt alios, ut perirent? An non pertinet ad diligentiam pastoralem etiam illas oves, quae a grege aberraverint inventas ad ovile Dominicum, si resistere voluerint, flagellorum terroribus, vel etiam doloribus revocare? Can. J. Caus. 23. Quaest 6.

Mea primitus sententia erat, neminem ad unitatem Christi esse cogendum , verbo esse agendum, disputatione pugnandum, ratione vincendum, ne fictos Catholicos haberemus. Can. 3. Caus. 23. Quaest. 6.

Clerici, qui in quacunque seditione arma volentes sumpserint, reperti amisso ordinis sui gradu, in monasterium poenitentiae tradantur. Can. 5. Caus. 23. Quaest. 8.

Quicunque ex clero esse videntur, arma militaria non sumant, nec armati incedant, sed professionis suae vocabulum religiosis moribus, et religioso habitu praebeant. Can. 6. Caus. 23. Quaest. 8.

Si vobis, fratres charissimi, placet, decernite, ne Episcopi ad comitatum accedant, nisi forte hi, qui a religiosis Imperatoribus vel invitati, vel vocati fuerint. Can. 28. Caus 23. Qu. 8.

Ilis, quibus Domini Sacramenta tractanda sunt, indicium sangvinis agitare non licet. Can. 30. Caus. 23. Quaest. 8.

( 63 )